«Шәфкать» үзәге психологы балалар өчен дәрес үткәрде
8 августта Түбән Кама районының «Шәфкать» халыкка социаль хезмәт күрсәтү комплекслы үзәгендә психолог Наталья Емельянова балалар өчен эмоциональ үз-үзеңне көйләү дәресе үткәрде. Экстремизм һәм террорчылыкны профилактикалау буенча «Мин куркынычсызлыкта» курсы кысаларында балалар тискәре хис-кичерешләрне җиңәргә ярдәм итүче катлаулы булмаган техникаларны өйрәнделәр.
Дәрес «Юу машинасы» активатор уеныннан башланды, ул катнашучыларның эмоциональ фонын тигезләргә ярдәм итте. Аннары психолог стресслы ситуацияләрдә үз хис-кичерешләрең белән ничек идарә итәргә мөмкин булуын аңлатты һәм стресска каршы сулыш күнегүләрен күрсәтте.
Дәреснең йомгаклау өлеше «Дөнья образы – витражлар» методикасын үз эченә алды. Бу күнегү катнашучыларга тынычланырга, дөньяны уңай кабул итүне торгызырга ярдәм итте.
Чара балаларны үзләренең психоэмоциональ халәтләре белән идарә итү күнекмәләренә өйрәтүдә мөһим адым булды.