ЯҢАЛЫКЛАР

19 нчы апрель көнне Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «Джунгли чакыра» дигән спорт-күңел ачу чарасы узды. Аны үзәкнең музыка җитәкчесе А.В. Айбашева, «Инклюзив мохит» Волонтерлар яшьләр берләшмәсе педагоглары һәм волонтерлары уздырдылар.

11 апрель көнне Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен «Сәламәтлек минуты» дигән викторина үткәрелде. Чараның максаты – үз сәламәтлегеңә сакчыл караш һәм кеше тормышының кыйммәтләрен тәрбияләү.

Алабуга районында урнашкан «Астра» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиада программаларын гамәлгә кертү кысаларында балалар һәм Юнармия йорты педагогларының инклюзив очрашуы булып узды.

Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиаданың Бөтендөнья кышкы уеннарына әзерлек кысаларында «Спорт экспрессы» дигән чара узган.

17 мартта Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «Яшь атлет» программасы буенча спорт-күңел ачу чарасы узды. Аны физик культура буенча инструктор Л.Ю. Кирамова, реабилитолог Г.В. Локманова «Комсомолец» спорт мәктәбе тренеры Е.П. Кускова белән бергә үткәрделәр.

Бүген «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Махсус Олимпиаданың спорт экспрессы» проекты кысаларында Идел буе дәүләт физик культура, спорт һәм туризм университетыннан кунаклар булып китте.

Минзәлә муниципаль районындагы «Умырзая» мөмкинлекләре чикле балалар һәм яшүсмерләр өчен тернәкләндерү үзәге хезмәткәрләре «Олимпиец» спорт-сәламәтләндерү лагере базасында Сәламәтлек көне оештырганнар. Чараның максаты – шәхеснең спорт культурасын, спортка карата уңай мөнәсәбәт тәрбияләү.

Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиаданың Бөтендөнья кышкы уеннарына әзерлек кысаларында «Махсус Олимпиаданың спорт экспрессы» проекты буенча күчмә чара узган. Аны Идел буе дәүләт физик культура, спорт һәм туризм университеты студентлары үткәрде.

Яр Чаллы шәһәренең «Ышаныч» комплекслы үзәгенең гаиләгә һәм балаларга социаль ярдәм бүлегендә кечкенә социаль хезмәт алучылар өчен спорт-сәламәтләндерү киңлеген ачу тантанасы узды. Ул үз эченә тоз бүлмәсен һәм хәрәкәт активлыгы бүлмәсен ала.

Шушы көннәрдә Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Күңелле стартлар» дигән спорт чарасы узды. Ул Махсус Олимпиада программалары элементларын үз эченә алган иде.