ЯҢАЛЫКЛАР

Татарстанның психоневрология интернатларының җыелма командасы 6-11 июньдә Казан шәһәрендә узган Махсус Олимпиаданың Бөтенроссия спартакиадасында хатын-кызлар мини-футболы буенча 1 урынны яулады.

Олимпия уеннары турында беренчел күзаллауларны формалаштыру максаты белән 4 июньдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Халикова Махсус Олимпиаданың Бөтендөнья кышкы уеннарына багышланган сәламәтлек сәгате үткәрде.

6 июнь көнне Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен футбол буенча мастер-класс үткәрелде. Чара Махсус Олимпиада чараларына әзерлек кысаларында үткәрелде.

27 майда Татарстан Республикасы Хезмәт, халыкны эш белән тәэмин итү һәм социаль яклау министрлыгы, мөмкинлекләре чикләнгән балалар һәм яшүсмерләр өчен тернәкләндерү үзәкләре вәкилләре «Махсус Олимпиаданың спорт экспрессы» фестивалендә һәм «Сәламәтлекләре чикләнгән балалар һәм яшүсмерләрнең физкультура-сәламәтләндерү эшчәнлеген оештыру һәм тәэмин итү үзенчәлекләре» дигән түгәрәк өстәлдә катнаштылар.

27нче май көнне Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәге «Махсус Олимпиаданың спорт экспрессы» фестивалендә катнашты. Чара Казан шәһәрендә Идел буе дәүләт физик культура, спорт һәм туризм университеты мәйданчыгында узды.

Шушы көннәрдә Лениногорскиның «Исток–Башлангыч» халыкка социаль хезмәт күрсәтү комплекслы үзәге белгече аутистик спектрда тайпылышлары булган 18-40 яшьлек кешеләр белән чираттагы дәрес үткәргән. Көндезге төркем эше кысаларында очрашулар вакытны үткәрү ысулы гына түгел, ә аралашу һәм тормыштан кызыклы мизгелләр белән уртаклашу мөмкинлеге дә.

Балаларның хәрәкәт һәм командада эшли белү күнекмәләрен үстерү максатыннан Түбән Каманың «Веста» гаиләгә һәм балаларга социаль ярдәм үзәге белгече Ләйсән Суниева һәм медицина көллияте волонтерлары спорт ярышын үткәрделәр. Махсус Олимпиадага әзерлек кысаларында оештырылган чарада сәламәтлекләре буенча мөмкинлекләре чикле 20 балигъ булмаган бала катнашты.

Лениногорск шәһәрендә яшәүче 2 нче төркем инвалид Михаил Т. «Исток–Башлангыч» халыкка социаль хезмәт күрсәтү комплекслы үзәгендә оештырылган интеллект бозылулары, аутистик спектры бозылулары булган 18-40 яшьлек кешеләр өчен көндезге тору төркемендә катнаша.

Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә махсус олимпиада кысаларында спорт-сәламәтләндерү чарасы узган. Ул социаль хезмәтләрдән файдаланучыларның физик сыйфатларын үстерүгә һәм аларның сәламәтлеген ныгытуга юнәлдерелгән иде.

Бүген Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен Махсус Олимпиадага әзерлек кысаларында «Классик аэробика» дигән мастер-класс үткәрелде.