ЯҢАЛЫКЛАР

Алабуга өлкәннәр һәм инвалидлар өчен интернат-йортында яшәүчеләр «Алабугада җәйге кичәләр» VI Халыкара музыка фестивален ачу тантанасында катнаштылар. Фестиваль гадәти булмаган форматта уза: танылган музыкантлар ачык һавада, Шишкин буаларында чыгыш ясыйлар, ә теләгән һәркем классик музыка дөньясына чума ала.

Алабуганың өлкәннәр һәм инвалидлар өчен интернат-йортында «Лепные фантазии» дигән яңа технологияне кертәләр. Аның максаты – пластилин, балчык белән әвәләп ясау ярдәмендә социаль хезмәтләр алучыларның иҗади потенциалын үстерү.

Югары Ослан өлкәннәр һәм инвалидлар өчен интернат-йортында фоторамка ясау буенча мастер-класс үткәрделәр.

Буа өлкәннәр һәм инвалидлар өчен интернат-йортында «Йога – алтын яшьтәге зирәклек» программасы уңышлы тормышка ашырыла.

Югары Ослан өлкәннәр һәм инвалидлар өчен интернат-йорты тәрбиячесе Ксения Хваткова пыялага рәсем ясау буенча мастер-класс үткәрде. Моның өчен витраж буяулар һәм гуашь кулланылды. Һәркем үзенә ошаган теманы сайлады. Кемдер кояш нурлары астында чәчәкләр, кемдер балык сурәтләргә булды.

Югары Ослан өлкәннәр һәм инвалидлар өчен интернат-йортында яфраклардан аппликацияләр ясау буенча мастер-класс узды. Чараны Россиядә Гаилә елына багышладылар.

Россиядә Гаилә елы кысаларында Буа өлкәннәр һәм инвалидлар өчен интернат-йортында «Макраме курчаклары – картаюны профилактикалау» дигән яңа технология кертелде. Социаль хезмәтләр алучылар ташландык материалдан курчаклар ясау өстендә эшлиләр. Психолог Светлана Әхмәтова җитәкчелегендә алар энәләр кулланмыйча курчак бәйләү техникасын, төенчек һәм бәйләү техникасын өйрәнәләр.

Югары Ослан өлкәннәр һәм инвалидлар өчен интернат-йортында «Компьютер ликбезы» технологиясен гамәлгә ашыралар. Дәресләрне тәрбияче Ксения Хваткова үткәрә. Аның җитәкчелегендә социаль хезмәтләр алучылар компьютерда эшләү нигезләрен өйрәнәләр. Күпләрнең смартфоннары булганлыктан, аерым дәресләр гаджетларны өйрәнүгә багышлана. Тәрбияләнүчеләр фото һәм видео төшерәләр, туганнарына һәм танышларына җибәрәләр, скайп аша аралашалар.

Югары Ослан өлкәннәр һәм инвалидлар өчен интернат-йортында пластилинография буенча чираттагы мастер-класс узды. Хезмәт буенча инструктор Наталья Котова җитәкчелегендә «Иҗат шатлыгы» түгәрәгендә катнашучылар пластилин белән сирень ботагы ясадылар. Барысы да бик матур рәсемнәр ясадылар.

Җылы кояшлы көннәр килү белән Буа өлкәннәр һәм инвалидлар өчен интернат-йорты белгечләре саф һавада чаралар оештыралар.