Югары Ослан интернат-йортында яшәүчеләр чираттагы мастер-класста катнашты
Югары Ослан өлкәннәр һәм инвалидлар интернат-йортында сабын ясау буенча мастер-класс узды. Хезмәт буенча инструктор Гөлчәчәк Карпова җитәкчелегендә «Иҗат шатлыгы» түгәрәгендә катнашучылар сабынның эрү температурасын сакларга, буяулар өстәргә, әзер эремәләрне силикон формаларга салырга өйрәнделәр.
Сабыннан чәчәкләр хуш исле булып чыкты. Аларны ясалма яфраклар белән тулыландырып, сабак таякчыкларга урнаштырдылар. Чәчәкләрне чәчәк бәйләменә җыеп кәрзингә салдылар. Әзер эшләнмә даими эшләүче иҗади күргәзмәдә урын алды.
Гөлчәчәк Карпова сүзләренә караганда, мондый гадәти булмаган мастер-класслар социаль хезмәт алучылар арасында бик популяр. Аларга яңаны белү һәм үзләштерү, үзләрен иҗатның төрле юнәлешләрендә сынап карау ошый, бу аларның үз-үзләрен бәяләвен арттыра, актив озын гомерлелеккә ярдәм итә.