ЯҢАЛЫКЛАР

Алабуга өлкәннәр һәм инвалидлар өчен интернат-йорты карамагындагылар декоратив-гамәли сәнгать музей-остаханәсендә булдылар. Анда алар балчыктан әвәләп ясау буенча мастер-класста катнаштылар.

Экскурсия 19 мартта, гражданлык җәмгыятен үстерүгә Татарстан Республикасы Рәисе грантларын бирү конкурсында ярдәм алган «Өйдәге ярдәмче» социаль проектын тормышка ашыру кысаларында узды.

Тәтеш өлкәннәр һәм инвалидлар өчен интернат-йортында аз хәрәкәтләнүче социаль хезмәт алучыларны социаль тернәкләндерү максатларында инде күп еллар гарденотерапия уңышлы кулланыла. Өлкән яшьтәге кешеләрнең хезмәт мөмкинлекләрен куллану буенча чаралар үткәрү аларның когнитив функцияләрен саклауга һәм вак моториканы үстерүгә ярдәм итә.

Минзәләнең өлкәннәр һәм инвалидлар өчен интернат-йортында гадәти булмаган мастер-класс үткәрелде. Тәрбияче Ирина Мөслимова социаль хезмәт алучыларны кәгазь салфеткалардан чәчәкләр ясарга өйрәтте.

Югары Осланның өлкәннәр һәм инвалидлар өчен интернат-йортында яшәүчеләр хезмәт инструкторы Гөлчәчәк Карпова җитәкчелегендәге «Аш-су мәктәбе» түгәрәгендә коймак пешерделәр. Олы яшьтәге кешеләр үзләре камыр болгаттылар, үзләре коймак пешерделәр.

Югары Ослан өлкәннәр һәм инвалидлар өчен интернат-йортында оештырылган «Секрет» вокаль ансамбле коллективына ике яңа катнашучы кушылды. Бу учреждениегә күптән түгел генә килгән Раиса Ершова һәм Рената Исхакова.

Зәй районының «Шатлык» халыкка социаль хезмәт күрсәтү комплекслы үзәге каршындагы «Пульс» актив пенсионерлар клубында 8 Мартны зурлап билгеләп үттеләр.

«Демография» милли проектының «Өлкән буын» федераль проекты чараларын тормышка ашыру максатыннан Мамадыш районының «Кайгырту» халыкка социаль хезмәт күрсәтү комплекслы үзәге социаль хезмәткәрләре даими рәвештә өлкәннәр белән социаль-тернәкләндерү чаралары үткәрә.

Югары Ослан өлкәннәр һәм инвалидлар өчен интернат-йортында социаль хезмәтләр алучылар өчен көн саен сәламәтләндерү-профилактика чаралары үткәрелә. ДФК кабинетында шәфкать туташы Жанна Бизяева төрле тренажерлар һәм массажерлар кулланып индивидуаль һәм төркем дәресләре оештыра. Хәрәкәт активлыгы социаль хезмәтләр алучыларга күп шатлык китерә, коллективта уңай микроклиматны сакларга мөмкинлек бирә.

Чистайның «Юлдаш» өлкәннәр һәм инвалидлар өчен интернат-йортында яшәүчеләр өчен театральләштерелгән спектакль элементлары белән экскурсия оештырылды. Чара учреждениедә, кышкы бакчада узды. Интернат-йортта яшәүчеләр тәкъдим ителгән экспозиция белән таныштылар, татар язучысы, драматург һәм публицист Гаяз Исхакыйның туган һәм үскән Кутлушкино авылы тарихы турында белделәр.