Югары Ослан интернат-йортында яшәүчеләр буш вакытларын кызыклы уздыра

2024 елның 29 июле, дүшәмбе

Югары Ослан өлкәннәр һәм инвалидлар интернат-йортында фуд-арт технологиясен уңышлы гамәлгә ашыралар. Бу юлы мастер-класс җәйге пейзаж сурәтләүгә багышланды. Моның өчен тәрбияче Ксения Хваткова җитәкчелегендә яшәүчеләр чи яшелчәләр алдылар, интернат территориясендә йөргәндә гөлҗимеш яфракларын һәм чәчәкләрен җыйдылар. Алар, чәчәк таҗлары, кояш нурлары ясарга тырышып, кишер һәм чөгендер кистеләр. Аннары кәгазьгә сурәт контурлары төшерделәр.

Әлеге технологияне интернат-йортта узган елдан гамәлгә ашыралар. Дәресләр кулларның вак моторикасын үстерә, фантазия стимуллаштыра.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International