Иҗат өлкән яшьтәге кешеләрнең актив озын гомерлелегенә ярдәм итә
Югары Ослан өлкәннәр һәм инвалидлар интернат-йортында традицион булмаган рәсем ясау техникасы буенча чираттагы мастер-класс узды. Картиналар өчен җәйге тема сайладылар.
Бу юлы хезмәт буенча инструктор Рәисә Кольцова җитәкчелегендә гуашь һәм пленка кулландылар. Мондый пленка ярдәмендә социаль хезмәт алучылар ромашкаларны сурәтләргә тырыштылар. Фон ясау өчен йомарланган газета алдылар. Аны гуашька батырып, болытлар, яфраклар, кояш нурлары ясадылар.
«Мондый традицион булмаган рәсем ясау техникасы безнең яшәүчеләргә бик ошый. Дәресләр иҗатка кызыксынуны стимуллаштыра, кулларның вак моторикасын үстерергә, сәнгать зәвыгын формалаштырырга ярдәм итә – болар барысы да социаль хезмәтләр алучыларның актив озын гомер чорын озайта, аларның когнитив һәм коммуникатив күнекмәләрен камилләштерә», – ди хезмәт буенча инструктор.