ЯҢАЛЫКЛАР

Югары Ослан өлкәннәр һәм инвалидлар интернат-йортында чүпрәк уенчыклар ясау буенча мастер-класс үткәрелде.

Алабуганың өлкәннәр һәм инвалидлар интернат-йорты командасы «Нәрсә? Кайда? Кайчан?» интеллектуаль уеннарның көзге сезонын ачты.

Чистайның «Юлдаш» өлкәннәр һәм инвалидлар интернат-йортында мавыктыргыч иҗади мастер-класс узды. Чараны социаль тернәкләндерү буенча белгеч Дарья Леонова оештырды.

Зәй районының «Шатлык» халыкка социаль хезмәт күрсәтү комплекслы үзәге «Гаилә» илкүләм проектының «Өлкән буын» федераль проекты программасын гамәлгә ашырып, актив рәвештә озак гомерлелек идеясен хуплый. Программаны уңышлы тормышка ашыруның иң ачык мисалларының берсе – актив пенсионерлар өчен «Пульс» клубы.

Югары Ослан өлкәннәр һәм инвалидлар интернат-йортында «Иҗат шатлыгы» түгәрәгенең чираттагы дәресе Городец рәсем сәнгатенә багышланды. Аны хезмәт буенча инструктор Гөлчәчәк Карпова үткәрде.

Чистайның «Юлдаш» өлкәннәр һәм инвалидлар интернат-йортында яшәүче әбиләр – флористлар. Социаль эш буенча белгеч Анна Михеева белән берлектә алар, интернат-йорт киңлеген хуш ис һәм ачык буяулар белән тутырып, искиткеч чәчәк композицияләре иҗат иттеләр.

Югары Ослан өлкәннәр һәм инвалидлар интернат-йортында төсле җептән картиналар ясау буенча мастер-класс оештырылды. Көзге теманы сайладылар. «Иҗат шатлыгы» түгәрәгенең һәр катнашучысы үзе трафарет сайлап алды.

Бүген заманча кешенең тормышын цифрлы технологияләрдән башка күз алдына китерүе кыен. Әмма күп кенә өлкән яшьтәге гражданнар компьютер һәм мобиль җайланманы үзләштерүдә кыенлыклар белән очраша. Чистайның «Юлдаш» өлкәннәр һәм инвалидлар интернат-йортында цифрлы грамоталылык нигезләренә өйрәтү буенча махсус программа гамәлгә кертелә.

Минзәлә өлкәннәр һәм инвалидлар интернат-йортында традицион татар ризыгы әзерләү буенча мавыктыргыч мастер-класс узды. Бу чара кулинария дәресе генә түгел, өлкәннәр өчен үз тамырларын искә төшерү, истәлекләре белән уртаклашу һәм актив вакыт үткәрү өчен искиткеч мөмкинлек булды.

Кәгазьдән аппликация ясау буенча мастер-класс Югары Ослан өлкәннәр һәм инвалидлар интернат-йортында оештырылды. «Иҗат шатлыгы» түгәрәгендә катнашучылар эшкә керештеләр.