Минзәлә интернат-йортында яшәүчеләр яңа электр духовкасында өчпочмак пешерделәр

2025 елның 3 октябре, җомга

Минзәлә өлкәннәр һәм инвалидлар интернат-йортында традицион татар ризыгы әзерләү буенча мавыктыргыч мастер-класс узды. Бу чара кулинария дәресе генә түгел, өлкәннәр өчен үз тамырларын искә төшерү, истәлекләре белән уртаклашу һәм актив вакыт үткәрү өчен искиткеч мөмкинлек булды.

Мастер-класс вакытында интернат-йортта яшәүчеләр пешерүнең барлык этапларында да үзләре катнаштылар: суган һәм бәрәңгене яхшылап чистарттылар, камыр бастылар, өчпочмаклар ясадылар. Кулинария дәресе катнашучыларның эмоциональ халәтенә уңай йогынты ясады, социальләшүгә һәм кул моторикасын саклап калуга ярдәм итте.

Өчпочмакларны электр духовкасында пешерделәр. Аны күптән түгел генә хәйрияче Ольга Ивановна бүләк итте.

Дәрес бергәләп чәй эчү белән тәмамланды.