ЯҢАЛЫКЛАР

2 майда Тәтеш районы муниципаль социаль-тернәкләндерү консилиумы утырышы булды. Көн тәртибенә «Социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасы аша балигъ булмаганнар арасында караусызлыкны һәм хокук бозуларны профилактикалау системасы субъектларыннан килгән гаиләләрдәге иминсезлек турында өч сигнал картасын карау кертелде. Шулай ук башлангыч һәм йомгаклау этапларында шәхси тернәкләндерү программасы кысаларында өч гаилә белән ведомствоара эш нәтиҗәләрен карадылар.

26 мартта Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Җаваплы ата-аналар мәктәбе» гомуми белем бирү мәктәбе эше кысаларында чираттагы очрашу узды.

19 апрельдә мөмкинлекләре чикле балалар һәм яшүсмерләр өчен «Апрель» тернәкләндерү үзәгендә ата-аналар клубының традицион очрашуы узды. Очрашу кысаларында үзәк белгечләре спорт-ял итү үзәкләре, мәдәни-күңел ачу мәйданчыклары, түгәрәкләр, секцияләр һәм башка социаль инфраструктура объектлары турында сөйләделәр. Шулай ук ата-аналарга коммерциячел булмаган социаль хезмәтләр күрсәтүчеләрдән хезмәтләр алу төрләре, шартлары һәм үзенчәлекләре турында хәбәр иттеләр.

11 апрельдә онлайн режимда Казан шәһәренең халыкка социаль хезмәт күрсәтү комплекслы үзәге җитәкчеләре һәм белгечләре Авыр тормыш хәлендә булган балаларга ярдәм фондының гаиләгә һәм балаларга, шул исәптән махсус хәрби операциядә катнашучыларның гаиләләрендәге балаларга социаль-психологик ярдәм проблемалары буенча вебинарында катнаштылар.

Лениногорск районы «Исток–Башлангыч» халыкка социаль хезмәт күрсәтү комплекслы үзәгенең гаилә һәм балаларга социаль ярдәм бүлеге белгечләре районның социаль участогында эш алып бардылар. Чара кысаларында 5 гаиләдә булдылар, аларда 20 балигъ булмаган бала яши.

Ведомствоара эш кысаларында 23 мартта Зәй районы «Шатлык» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре гомуми ата-аналар җыелышында катнаштылар. Чара 5 нче гомуми белем бирү мәктәбе базасында узды.

Психоэмоциональ травмалары булган балаларга, шул исәптән сугыш хәрәкәтләре зонасыннан кайтарыла торган балаларга ярдәм күрсәтү буенча инновацион социаль проектны гамәлгә ашыру кысаларында төбәк терәк мәйданчыгы булып торган Казан шәһәренең халыкка социаль хезмәт күрсәтү комплекслы үзәгендә гаиләгә һәм балаларга социаль ярдәм бүлеге психологларының методик киңәшмәсе узды.

16 мартта Менделеевск муниципаль районының «Кама таңнары» балалар һәм яшүсмерләр өчен социаль приютында тәрбияләнүчеләрнең ата-аналары учреждение педагоглары белән очрашты. «Ата-аналар өчен мәктәп» программасы кысаларында үсеп килүче буында нормага каршы сүзләр куллануны бетерү турында сөйләштеләр.

«Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре ведомствоара төркем составында гаилә иминсезлеге фактлары турында килгән хәбәрләрне оператив рәвештә эшкәртәләр.

Бүген Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева «Гаилә конфликтларын кисәтү һәм судка кадәр җайга салу, җаваплы ата-аналык» республика семинар-практикумында катнашты. Чара Алексеевск муниципаль районында узды.