Казанның социаль хезмәт күрсәтү үзәгендә «Бәхетле гаилә әлифбасы» программасы гамәлгә ашырыла
Россиядә Гаилә елы кысаларында Казанда халыкка социаль хезмәт күрсәтү комплекслы үзәгенең Совет районындагы гаиләгә һәм балаларга социаль ярдәм бүлеге белгечләре тарафыннан җаваплы ата-аналыкны, гаилә мөнәсәбәтләрен үстерүгә юнәлдерелгән «Бәхетле гаилә әлифбасы» программасы гамәлгә ашырыла.
Шушы көннәрдә бүлекчә психологы социаль хезмәт күрсәтүдә торучы гаиләләрдәге балигъ булмаган балаларның ата-аналары белән интерактив тренинг дәресе үткәрде. «Мин – ата-ана» дәресенең максаты – балалар һәм ата-аналар арасында ышанычлы мөнәсәбәтләр булдыру мәсьәләләрендә ата-ана компетенциясен күтәрү.
Психолог катнашучыларны яшүсмерләрнең яшь үзенчәлекләре, кризисны җиңгән вакытта ата-аналар ярдәме күрсәтү мөмкинлекләре белән таныштырды. Метафорик карталар кулланып, «Хәзерге яшүсмер образы» дигән арт-терапевтик күнегүне башкарып, ата-аналар үз балаларының психологик портретларын төзеделәр, үз-үзләрен тотышларының төп элементларын билгеләделәр, бу аларның көчле һәм йомшак якларын ачыкларга ярдәм итте.
Ата-аналар мондый дәресләрнең кыйммәтен билгеләп үттеләр, чөнки һәр катнашучы яшүсмер белән аралашу хәлен уртаклашырга һәм психологтан һәм төркемнең башка катнашучыларыннан кире элемтә алырга мөмкинлек ала.
Ахырда ата-аналар конфликтсыз мөнәсәбәтләр темасына зур булмаган социаль ролик карадылар, ә психолог яшүсмерләр белән мөнәсәбәтләрдә ышаныч дәрәҗәсен арттыруга юнәлдерелгән өй эшен тәкъдим итте.