Югары Ослан районында социаль-тернәкләндерү консилиумы утырышы узды
Югары Ослан районында профилактика системасы субъектлары катнашында муниципаль социаль-тернәкләндерү консилиумының чираттагы утырышы булды. Ике балигъ булмаган баласы булган гаиләгә сигнал картасы каралды. Утырыш йомгаклары буенча консилиум әгъзалары балигъ булмаганнар эшләре һәм аларның хокукларын яклау буенча район комиссиясенә гаиләне социаль куркыныч хәлдә булган гаилә буларак ведомствоара исәпкә куюны сорап мөрәҗәгать итәргә карар кылды.
Шулай ук профилактика субъектлары ведомствоара исәптә торучы гаиләне патронажга алуның төп этабына нәтиҗә ясадылар һәм гаиләне йомгаклау этабына күчерүне сорап мөрәҗәгать итәргә карар кылдылар.
28 нче ноябрьгә «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасында Югары Ослан муниципаль районыннан 6 гаилә тора, аларда 12 балигъ булмаган бала тәрбияләнә.