ЯҢАЛЫКЛАР

2021 елның 1 июленнән Гаиләне яклау оешмалары ассоциациясе Президент грантлары фонды тарафыннан хупланган «Гаилә һәм балаларны яклау турында» гаилә-демографик проектын тормышка ашыруга кереште. 

Буа районы «Гармония» халыкка социаль хезмәт күрсәтү комплекслы үзәге белгечләре Чүпрәле районы «Җылы йорт» балалар һәм яшүсмерләр өчен социаль приюты белән тыгыз эш алып баралар. Хезмәттәшлекнең максаты булып балигъ булмаган балаларны туган гаиләләренә кайтару тора.

Тәҗрибә күрсәткәнчә, мондый уртак эш балигъ булмаганнарның күзәтүчесезлеген һәм хокук бозуларын профилактикалау системасы органнарының имин булмаган гаиләләр белән эшләү буенча гамәлләрен координацияләргә ярдәм итә.

15 нче апрель көнне Минзәлә халыкка социаль хезмәт күрсәтү комплекслы үзәге базасында булачак әниләр өчен «Төп статус» клубы кысаларында «Бәхетемне эчтән җылытам» дигән онлайн-дәрес узды. Дәреснең максаты – ана һәм баланың эмоциональ бәйләнешен җайга салу.

Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Стресссыз тормыш – негативтан китү» дигән чара үткәргән. Психоэмоциональ халәтне тигезләүгә юнәлдерелгән чарада конфликтлы гаиләләрдән өлкәннәр һәм балалар катнашты.

«Әни+бәби» клубы эше кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Әлфия Байкова һәм «Колезей» фитнес-клубы тренеры Анна Бычкова өч яшькә кадәрге балалар белән төркемле дәрес үткәрделәр.

«Тәтеш балкышы» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре социаль участокларга даими рәвештә барып торалар. Ведомствоара төркем составына опека һәм попечительлек секторы белгече һәм балигъ булмаганнар арасында гаилә иминлеген һәм хокук бозуларны профилактикалау буенча инспектор керә.

Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә адаптив физик культура буенча белгеч Александра Пензина тернәкләнү узучы ата-аналар һәм аларның балалары өчен спорт-сәламәтләндерү дәресләре циклы оештырган. «Сәламәт арка», «Пилатес» һәм «Стретчинг» гаилә тренировкаларына теләгән һәркем йөри ала.

Узган җомгада, 8 апрельдә, Минзәлә шәһәренең «Ялкын» яшьләр үзәгендә Режиссер Елена Пискареваның «Сайлау хокукы» дигән абортлар проблемасы турында тулы метражлы фильм һәм «Гаилә кыйммәтләрен саклау һәм абортларны профилактикалау» темасына түгәрәк өстәл узды. Чаралар абортларны комплекслы профилактикалауның «Плюс бер» федераль проектын гамәлгә ашыру кысаларында оештырылды.

5 апрельдә Лениногорск районы «Исток-Башлангыч» халыкка социаль хезмәт күрсәтү комплекслы үзәге социаль педагогы Гөлнара Пряничникова опека һәм попечительлек секторының әйдәп баручы белгече Ләйлә Хәмәдиева белән берлектә социаль хезмәт алучылар өчен түгәрәк өстәл үткәрде. Чараның темасы – «Сезнең бала иминлеге».