«Өмет» халыкка социаль хезмәт күрсәтү үзәге гаиләләр белән планлы эш алып бара
Биектау районы «Өмет» халыкка социаль хезмәт күрсәтү комплекслы үзәгендә узган атна дәвамында балалар һәм ата-аналар мөнәсәбәтләре проблемалары буенча психолог тарафыннан шәхси һәм гаилә консультацияләре уздырылды. Ярдәм сорап күпбалалы гаиләләрдән һәм авыр тормыш хәлендә булган гаиләләрдән 8 кеше мөрәҗәгать итте. Бала белән өлкәннәр арасында элемтә урнаштыру кыенлыклары каралды, ата-аналарның балалар белән үзара мөнәсәбәтләрендә үз-үзләрен тотышларын бәяләү башкарылды.
14 октябрьдә «Йөклеләргә психологик ярдәм: аналыктан баш тарту турындагы карарларны профилактикалау, аңлы ата-ана позициясен формалаштыру» программасы буенча «Тәрбия доктринасын сайлауны билгеләү» дигән төркемле дәрес узды. Чарада 11 йөкле хатын-кыз катнашты. Алар белән шулай ук «Атаның бала шәхесен тәрбияләүдәге роле» дигән интерактив тренинг үткәрелде. Барлык катнашучыларга да файдалы буклетлар тапшырылды.