Ата-аналарга балалар тәрбияләү җаваплылыгы турында искә төшерделәр
13 октябрьдә Лениногорск районы «Исток–Башлангыч» халыкка социаль хезмәт күрсәтү комплекслы үзәгендә «Җаваплы ата-ана мәктәбе» программасы кысаларында чара узды. Аның максаты – ата-аналарның балаларны тәрбияләү һәм укыту мәсьәләләре буенча хокукый культурасын күтәрү.
Социаль педагог Оксана Лямова катнашучыларга балаларга карата хокук һәм бурычларны аңлатты: балаларның хокукларын һәм мәнфәгатьләрен тәэмин итү һәм яклау, балаларның физик һәм психик сәламәтлегенә, аларның әхлакый үсешенә зыян китермәү. Ата-ана бурычларын үтәмәгән яки тиешенчә үтәмәгән, шулай ук балаларга карата хокук бозган өчен ата-аналар җаваплылык тота.
Ахырда барлык катнашучылар балаларны тәрбияләү ысуллары игътибарсыз, рәхимсез, тупас, кеше абруен төшерә торган, балаларны мыскыллау яки эксплуатацияләүне күз алдында тоткан карашны кертмәскә тиеш дигән нәтиҗәгә килделәр.