Зәй районында балалы гаиләләргә йөрү дәвам итә
Зәй районы «Шатлык» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре җирле үзидарә, янгын күзәтчелеге органнары хезмәткәрләре белән берлектә социаль хезмәтләр алучы булган һәм ведомствоара социаль патронатта торучы гаиләләрне өйләрендә йөреп чыгуны дәвам итәләр.
13 октябрьдә балигъ булмаганнарның яшәү шартларын тикшерү буенча чираттагы эш оештырылды. Гаиләләрдә балаларны тәрбияләү һәм карау буенча ата-ана бурычларын үтәү турында әңгәмәләр, куркынычсызлык техникасы буенча инструктажлар, җылыту приборларын куллану кагыйдәләре буенча мини-лекцияләр уздырылды. Шулай ук гаиләләргә «Торак фондының янгын куркынычсызлыгы чаралары» белешмәлекләре дә бирелде.
Күзәтчелек эшчәнлеге бүлеге хезмәткәрләре чираттагы тапкыр янгынга каршы датчикларны эксплуатацияләү буенча инструктаж үткәрделәр.