ЯҢАЛЫКЛАР

30 июнь көнне «Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Венера Янышева 8нче социаль участокта яшәүче гаиләләргә ведомствоара бару оештырды. Ведомствоара төркем составына опека һәм попечительлек секторының баш белгече, гаилә иминлеге һәм балигъ булмаганнар арасында хокук бозуларны профилактикалау буенча инспектор керде.

«Рәхим итегез! Бәхетле гаилә» клубы эше кысаларында 29 июнь көнне Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова гаилә эчендәге мөнәсәбәтләрне җайга салуга юнәлдерелгән дәрес үткәрде. Әлеге чарада социаль хезмәт күрсәтүдә торучы 10 әти-әни катнашты.

24 июнь көнне Минзәлә районы халыкка социаль хезмәт күрсәтү комплекслы үзәге белгечләре «Җиңү барысы өчен дә бер» дигән чара уздырганнар. Дәрес мөмкинлекләре чикле балалар тәрбияләүче ата-аналар клубының «Күңел чыганагы» программасын тормышка ашыру кысаларында оештырылды.

Кичә, 20 июнь көнне, республиканың Тәтеш районында муниципаль социаль-тернәкләндерү консилиумының утырышы булды. Көн тәртибенә башлангыч һәм төп этапларда индивидуаль реабилитация программасы кысаларында гаиләләр белән ведомствоара эш нәтиҗәләрен карау кертелгән иде. Шулай ук ведомство контролендә булган гаиләләр белән эш нәтиҗәләре анализланды.

«Әни+сабый» клубы эше кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Әлфия Байкова «Панда баласы» уен үзәге җитәкчесе Руслан Габделхаков һәм аниматор Мария Михеева белән берлектә «Бәхетле балачак» дигән чара уздырганнар. Анда өч яшькә кадәр балалары булган гаиләләр катнашты.

17 июнь көнне «Төп статус» йөкле хатын-кызлар өчен клуб эше кысаларында Минзәлә халыкка социаль хезмәт күрсәтү комплекслы үзәге белгечләре «Бу безнең кечкенә сер» дигән темага дәрес уздырганнар.

19 июньдә Алексеевск районының «Кайгырту» балалар һәм яшүсмерләр өчен социаль приют тәрбиячесе Марина Сагидуллина «Җирдә иң яхшы әти» дип исемләнгән уен дәресе үткәрде.

16 июнь көнне Биектау районында «Өмет» халыкка социаль хезмәт күрсәтү комплекслы үзәге базасында социаль хезмәт алучы өч балигъ булмаган балалы гаилә белән дәрес үткәрделәр. Чара «Җаваплы ата-ана» клубы программасы һәм «Көчләүсез тормыш» балалар белән рәхимсез мөгамәләне профилактикалау программасы кысаларында оештырылды.

Июнь аеның өченче якшәмбесендә дөньяның күп кенә илләрендә Әти көне билгеләп үтелә. 16 июнь көнне Баулы районы «Шәфкать» халыкка социаль хезмәт күрсәтү комплекслы үзәге социаль педагоглары Альбина Гәрәева һәм Гүзәл Газиева «Әти белән бергә уйныйбыз» дип исемләнгән спорт бәйрәме үткәрделәр. Социаль хезмәтләр алучылар катнашында чара № 4 социаль участогында узды.

Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Туган кешеләр» клубы кысаларында «Ябык даирәдән чыгу» дигән дәрес үткәрде. Әлеге чарада социаль куркыныч хәлдә булган гаиләләрнең өлкән әгъзалары катнашкан.