Казан психологлары Луганск һәм Донецк халык республикаларыннан килгән балалы гаиләләр өчен дәрес үткәрде
Казан шәһәренең халыкка социаль хезмәт күрсәтү комплекслы үзәгендә Вахитов районы буенча гаиләгә һәм балаларга социаль ярдәм бүлекчәсе белгечләре Луганск һәм Донецк халык республикаларыннан күченгән балалар һәм аларның гаилә әгъзалары өчен дәрес үткәргәннәр. Билгеләп үтәргә кирәк, комплекслы үзәк психоэмоциональ җәрәхәтләре булган балаларга, шул исәптән сугыш хәрәкәтләре зонасыннан кайткан балаларга ярдәм күрсәтү буенча инновацион социаль проектны гамәлгә ашыру кысаларында төбәк терәк мәйданчыгы булып тора.
Чараның максатлары: психологик ярдәм күрсәтү, балигъ булмаганнарда психоэмоциональ киеренкелекне, борчылуны киметү.
Очрашу сенсор бүлмәнең интерактив мохитендә үткәрелде, бу уңай психологик атмосфера тудыруга ярдәм итте. Төп эш ысуллары буларак сәнгать терапиясе техникасы, шул исәптән ком терапиясе, метафорик ассоциатив карталар белән эшләү кулланылды. Ял итүгә, мускул һәм психоэмоциональ киеренкелекне җиңеләйтүгә ярдәм итүче сизү органнарына тәэсир итүче күнегүләр үткәрелде.
Куркынычсызлык һәм тотрыклылык хисе формалаштыру максатыннан, психологлар тренинг күнегүләре үткәрделәр.
Дәрес киләчәк турында уңай күзаллау булдыруга юнәлтелгән планнарны эшләү белән тәмамланды.