ЯҢАЛЫКЛАР

Яр Чаллы шәһәренең «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә «Бергәләп булдырабыз» программасын тормышка ашыру кысаларында Россия Эчке эшләр министрлыгының Яр Чаллы шәһәре буенча участок полиция вәкаләтлеләре бүлеге һәм балигъ булмаганнар эшләре буенча бүлекчәсе инспекторы Алсу Садыйкова белән очрашу узды.

Мәгълүмат технологияләре гасырында кешеләр көн саен банк карталарын, Интернет сайтларын кулланалар, Интернетта һәм гадәти кибеттә сатып алулар өчен түлиләр, банкоматта акча салдыралар. Психик тайпылышлы гражданнар һәм өлкән яшьтәге кешеләр еш кына финанс һәм компьютер грамоталылыгы түбән булу аркасында алдакчылар тозагына эләгәләр.

Буа муниципаль районында 80 яшьтән өлкәнрәк ялгыз һәм ялгыз яшәүче гражданнарны өйләренә барып карау уздырылды. Йортларга йөрүнең максаты – яшьләре һәм (яки) сәламәтлекләре аркасында төп тормыш ихтыяҗларын мөстәкыйль рәвештә тәэмин итә алмаган өлкән яшьтәге гражданнарны ачыклау, шулай ук өлкәннәр белән янгын-профилактика эшен гамәлгә ашыру һәм ашыгыч хезмәт телефоннары турында мәгълүмат бирү.

Минзәләнең халыкка социаль хезмәт күрсәтү комплекслы үзәге белгечләре «Онлайн-мошенниклардан ничек сакланырга» дигән мәгълүмати-профилактик акция оештырды һәм үткәрде.

11 сентябрьдә Зәй районының «Шатлык» халыкка социаль хезмәт күрсәтү комплекслы үзәгендә акча урлауга юнәлдерелгән алдауның киң таралган ысуллары һәм төрләре турында мәгълүмати-аңлату әңгәмәсе булды. Үзәк хезмәткәрләре өчен чараны юрисконсульт үткәрде.

Сентябрь башында Минзәлә районындагы халыкка социаль хезмәт күрсәтү комплекслы үзәге белгечләре көндезге тору төркемендәге яшьләр өчен СберБанк бүлекчәсенә мәгълүмати экскурсия оештырды. Чара халыктан акча урлауны профилактикалауга юнәлдерелгән иде.

6 сентябрьдә Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияче Эльмира Ефремова «Таныш булмаган кешеләр белән үз-үзеңне тоту кагыйдәләре» темасына профилактик әңгәмә үткәрде. Чара куркынычсыз тәртип күнекмәләрен формалаштыруга юнәлдерелгән.

4 сентябрьдән Зәй районы «Шатлык» халыкка социаль хезмәт күрсәтү комплекслы үзәгенең өйдә социаль хезмәт алучылары өчен Куркынычсызлык мәктәбе дәресләре уза. «Экстремизмга – юк!» декадасы кысаларында чараларны социаль эш буенча белгечләр үткәрә.

Балаларның танып белү активлыгын үстерү максатыннан 3 сентябрьдә Алексеевск районындагы балалар һәм яшүсмерләр өчен «Кайгырту» социаль приюты тәрбиячесе Наталья Королева балаларны көзге агачларның үзенчәлекләрен билгеләргә һәм табигать күренешләрендә матурлыкны күрергә өйрәтте.

Минзәләнең өлкәннәр һәм инвалидлар өчен интернат-йортында халыктан акча урлауны кисәтүгә юнәлдерелгән әңгәмә узды. Очрашуда Россия Эчке эшләр министрлыгының Минзәлә районы буенча полиция бүлеге начальнигы урынбасары – полиция подполковнигы Азат Зиатдинов һәм Ак Барс банкының Минзәлә районы буенча бүлеге җитәкчесе Эльвира Юнысова катнаштылар.