«Кайгырту» приютында тәрбияләнүчеләр экскурсиягә бардылар
Балаларның танып белү активлыгын үстерү максатыннан 3 сентябрьдә Алексеевск районындагы балалар һәм яшүсмерләр өчен «Кайгырту» социаль приюты тәрбиячесе Наталья Королева балаларны көзге агачларның үзенчәлекләрен билгеләргә һәм табигать күренешләрендә матурлыкны күрергә өйрәтте.
Балалар экскурсияләрне бик яраталар. Экологик тәрбия кысаларында тәрбияләнүчеләр урманчылыкка мавыктыргыч экскурсиягә бардылар. Экскурсия алдыннан балалар белән юлда һәм табигатьтә куркынычсызлык кагыйдәләре турында сөйләшү булды. Экскурсия барышында балалар көз билгеләре турында күзаллауларын ныгыттылар, үсемлекләрнең торышы һәм әйләнә-тирәлек шартлары арасында бәйләнешләр урнаштырырга өйрәнделәр, булган үзгәрешләрнең сәбәпләрен ачыкладылар. Балалар көзге табигать белән сокландылар. Ачык һавада уеннардан соң алар приютка юл тоттылар.