ЯҢАЛЫКЛАР

Минзәләнең өлкәннәр һәм инвалидлар өчен интернат-йортында социаль тернәкләндерү буенча белгеч Ольга Бочкарева социаль хезмәтләр алучылар белән мәгълүмати әңгәмә үткәрде. Мошенниклык, хокук бозулар һәм саклану чаралары турында сөйләштеләр.

«Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре социаль хезмәтләр алучылар белән акчаларны дистанцион урлауны кисәтүгә юнәлдерелгән аңлату эшләре алып баралар.

Өлкән яшьтәге гражданнарга карата мошенниклык гамәлләрен булдырмау максатыннан Буа өлкәннәр һәм инвалидлар өчен интернат-йортының социаль эш буенча белгече Данирә Гыйльфанова юрисконсульт Ксения Козлова белән берлектә «Акчаларны дистанцион урлауны профилактикалау» темасына консультация үткәрде.

Алабуганың «Астра» мөмкинлекләре чикле балалар өчен тернәкләндерү үзәгендә тәрбияче Эльмира Ефремова «Эсседә ничек зыян күрмәскә» дигән темага профилактик әңгәмә үткәрде.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Кем ул чит кеше?» темасына әңгәмә узды. Балалар таныш булмаган кешеләр белән очрашканда үз-үзләрен тоту кагыйдәләре белән таныштылар. Шулай ук көндәлек тормышта килеп чыга торган куркыныч хәлләрне карадылар, алардан качарга ярдәм итә торган кагыйдәләрне укыдылар.

Тәтеш районы территориясендә яшәүче гаиләләргә ведомствоара чыгулар «Тәтеш балкышы» халыкка социаль хезмәт күрсәтү комплекслы үзәге белгечләре тарафыннан атна саен оештырыла. Торак биналарда янгын куркынычсызлыгын, балигъ булмаган балаларга карата ата-ана бурычларын үтәүне, азык-төлек, беренче кирәкле чаралар булуны контрольдә тоту чараларның бурычы булып тора.

Хокук бозуларны профилактикалау кысаларында Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге социаль педагогы җәйге каникуллар вакытында куркынычсыз тәртип буенча инструктажлар үткәрде. Риск төркеменә кергән гаиләләр өчен чаралар районның социаль участокларында узды.

«Наркотикларсыз тормыш» айлыгы кысаларында «Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре балигъ булмаган социаль хезмәт алучылар белән төркемле дәрес һәм «Без бергә көчлерәк» акциясе үткәрделәр.

Шушы көннәрдә Түбән Кама районының «Балкыш» балалар һәм яшүсмерләр өчен социаль приютында «Уенга бәйлелек» дигән мәгълүмати сәгать узды. Тәрбияче Анжелика Пушкова һәм приют психологы Людмила Вәлиева балаларга веб-сайтларның куркынычлары, ни өчен Интернетта виртуаль танышу түгел, ә дуслар белән чын аралашуның мөһим булуы турында сөйләделәр.

«Балигъ булмаганнар арасында үз-үзеңә кул салуны профилактикалау» программасы кысаларында Биектау муниципаль районының «Өмет» халыкка социаль хезмәт күрсәтү комплекслы үзәге психологы Алия Нигъмәтҗанова тренинг дәресе үткәрде, анда социаль куркыныч төркемендәге 20 балигъ булмаган катнашты. Чаралар 2 һәм 3 нче социаль участокларда узды.