«Хыял» социаль приютында тәрбияләнүчеләрнең имин каникуллары

2024 елның 8 августы, пәнҗешәмбе

«Имин каникуллар» акциясе кысаларында Чистай электр челтәрләренең «Сетевая компания» АҖ филиалы хезмәткәрләре Аксубай районының «Хыял» балалар һәм яшүсмерләр өчен социаль приютында тәрбияләнүчеләр белән уеннар, табышмаклар, мультфильмнар һәм беренче ярдәм күрсәтү буенча мастер-класслар белән чара уздырдылар.

Балалар хәзерге дөньяда электр энергиясенең әһәмияте, электр приборларына саксыз һәм ваемсыз мөнәсәбәт нинди нәтиҗәләргә китерергә мөмкинлеге турында белделәр. Балалар фикер алышуларда актив катнаштылар.

Ахырда балалар электр белән эш иткәндә бәхетсезлек очракларын профилактикалау турында мәгълүмат тупланган буклетлар алдылар.