ЯҢАЛЫКЛАР

Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Лиана Габидулина 6 июль көнне сәламәт яшәү рәвешен пропагандалауга багышланган викторина үткәрде.

Балигъ булмаганнар арасында социаль-тискәре күренешләрне кисәтү буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Алевтина Коровина «Тәмәке төтене кочагында» дигән темага төркемле дәрес үткәрде. 3 нче социаль участокта узган дәрестә сигез балигъ булмаган бала катнашты.

Бүген Буа өлкәннәр һәм инвалидлар өчен интернат-йортында саф һавада йога дәресе узды.

Наркотикларга каршы айлык кысаларында Буа муниципаль районында «Гармония» халыкка социаль хезмәт күрсәтү комплекслы үзәгенең гаилә белән эшләү буенча белгечләре «Без сәламәт яшәү рәвеше өчен» дигән акция уздырганнар. Чара яшь буынның үз сәламәтлекләренә аңлы караш формалаштыруга юнәлдерелгән.

Берничә ел элек Югары Осланның өлкәннәр һәм инвалидлар өчен интернат-йортында экоаллея булдырылган иде. Анда дару үләннәре үсә: гөлбадран, ромашка, үги ана яфрагы, иван-чәй, мәтрүшкә – 25 төр үсемлек.

Югары Осланның өлкәннәр һәм инвалидлар өчен интернат-йортында наркотикларга каршы айлык кысаларында социаль хезмәтләр алучылар белән әңгәмә уздырылган. Район үзәк хастаханәсенең нарколог-психиатры Галия Хәсәнова наркоманиянең куркынычы, психоактив матдәләрнең кеше организмына ничек йогынты ясавы турында сөйләде.

«Иҗтимагый инициатива–2021» Республика конкурсы грантына ия булган «Сәламәтлек һәм һава» проектын тормышка ашыру кысаларында Буа өлкәннәр һәм инвалидлар өчен интернат-йортында социаль хезмәт алучылар өчен учреждение белгечләре даими рәвештә сәламәтләндерү дәресләре үткәрәләр. Дәресләргә яшәүчеләр йөри, алар заман белән бергә атларга тырышалар, үзләренең физик һәм рухи сәламәтлеге турында кайгырталар.

26 июнь көнне билгеләп үтелүче Халыкара наркотик чараларын куллануга һәм аларның законсыз әйләнешенә каршы көрәш көне кысаларында бүген Әлмәт районында «Опека» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре «Наркотикларсыз тормыш» акциясе уздырганнар. Чарада шәһәрлеләр һәм социаль хезмәтләр алучы 32 яшүсмер катнашты.

«Наркотикларсыз тормыш» акциясе кысаларында Түбән Каманың «Веста» гаиләгә һәм балаларга социаль ярдәм үзәге хезмәт буенча инструкторы Ирина Кожевникова «Без – сәламәт яшәү рәвеше буыны» дигән төркемле дәрес үткәрде.

1нче июньнән 27нче июньгә кадәр Бөгелмә шәһәренең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә Халыкара наркотик чаралар куллануга һәм аларның законсыз әйләнешенә каршы көрәш көненә багышланган тематик чаралар уздырылды.