«Кама таңнары»нда «Сәламәтлекне ничек саклап калырга» беләләр

2022 елның 22 августы, дүшәмбе

Нык сәламәтлек, һичшиксез, бик мөһим, шуңа күрә балаларның тормышын һәм сәламәтлеген саклау – Менделеевскиның «Кама таңнары» балалар һәм яшүсмерләр өчен социаль приюты педагоглары эшенең бер юнәлеше.

Учреждениедә балалар белән сәламәтлек саклауга юнәлтелгән төрле чаралар үткәрелә: иртәнге һәм кичке чыныгу процедуралары, бассейнда йөзү, сәламәт туклану турында әңгәмәләр һәм викториналар, саф һавада хәрәкәтчән уеннар.

Ә шушы көннәрдә приют тәрбиячесе А. Җамалетдинова «Сәламәтлек һәм аны ничек сакларга» дигән сәламәтлек сәгате үткәрде. Балалар сәламәт яшәү рәвешенең төп кагыйдәләрен искә төшерделәр, саф һавада уйнадылар, хәрәкәтле конкурсларда катнаштылар.