«Изгелек»тә: «Волейбол – команда уены»

2022 елның 23 августы, сишәмбе

Бүген Яр Чаллының «Изгелек» инвалидларны тернәкләндерү үзәгенең спорт мәйданчыгында физик һәм менталь тайпылышлары булган яшьләр өчен Махсус Олимпиадага әзерлек кысаларында саф һавада «Волейбол – команда уены» дигән чара узды.

Чара башында инструктор социаль хезмәтләр алучылар белән бергә мускуллар һәм буыннар өчен җиңел разминка үткәрде.

Волейболның төрле алымнары һәм техникалары күрсәтелде.

Аннары катнашучыларны ике командага – «Кояш нурлары» һәм «Кояш» командаларына бүлделәр. Балалар уенга бик теләп кушылдылар һәм күтәренке кәеф белән таралыштылар. Команда уены нәтиҗәләре буенча дуслык җиңде.

Социаль хезмәт алучылар волейбол тубын бирү һәм кабул итү техникасын үзләштерделәр һәм вакытны ничек үткәрүләреннән бик канәгать калдылар.