ЯҢАЛЫКЛАР

15 мартта Зәй шәһәренең урман массивында ел саен үткәрелә торган ведомствоара «Хыялдагы чаңгылар» хәйрия акциясе узды. «Шатлык» халыкка социаль хезмәт күрсәтү комплекслы үзәге белгечләре, физик культура һәм спорт идарәсе, яшьләр эшләре идарәсе хезмәткәрләре яшь социаль хезмәт алучылар өчен урман массивына бару оештырдылар.

Сәламәтлек культурасын формалаштыру, физиологик яшәү сәләтен ныгыту һәм балаларны сәламәт яшәү рәвешенә җәлеп итү максатларында Алексеевскның «Кайгырту» социаль приютында «Сәламәтлек һәм шатлык территориясе» проекты тормышка ашырыла. Ул «Гражданнарның сәламәтлеген саклау, сәламәт яшәү рәвешен пропагандалау» номинациясендә республика гранты алган.

Яшүсмерләрдә сәламәт яшәү рәвешенә мотивация формалаштыру буенча «Сәламәт булу – уңышлы булу!» программасы кысаларында 14 мартта Минзәлә шәһәренең боз сарае базасында балалар өчен дәрес узды. Халыкка социаль хезмәт күрсәтү комплекслы үзәге белгечләре яшүсмерләргә шугалакларда үз-үзләрен тоту кагыйдәләре турында сөйләделәр.

Алабуга муниципаль районында «Ышаныч» халыкка социаль хезмәт күрсәтү комплекслы үзәгенең көндезге тору бүлегендә менталь тайпылышлары булган инвалидлар белән төрле яклап эш алып барыла. Бу эшчәнлектә сәламәт яшәү рәвеше күнекмәләрен формалаштыру һәм үстерү мөһим урынны алып тора.

Сәламәт яшәү рәвешен формалаштыру, социаль хезмәт күрсәтү учреждениеләрендә хезмәт алучыларның социаль активлыгын арттыру максатыннан Министрлык республика шахмат-шашка турниры уздыра.

13 февраль көнне Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә ачык һавада «Күңелле стартлар» дигән спорт-сәламәтләндерү чарасы узды. Спорт бәйрәме сәламәт яшәү рәвеше күнекмәләрен формалаштыруга, коллективны берләштерүгә юнәлдерелгән.

Бүген Яр Чаллы шәһәренең «Изгелек» инвалидларны тернәкләндерү үзәгендә «ГТО хәрәкәтенә кушыл» дигән мотивацион чара уздырылды. Чараның максаты – сәламәтлек мөмкинлекләре чикләнгән затлар арасында ГТО комплексы турында гомуми күзаллау һәм нормативлар тапшыруга мотивация формалаштыру.

Чистайның «Юлдаш» өлкәннәр һәм инвалидлар өчен интернат-йортында социаль хезмәт алучылар арасыннан өлкән яшьтәге гражданнар «Россия озын гомерлелеге» социаль хәйрия проектында катнашалар. Проект өлкәннәрнең көндәлек көнкүрешенә сәламәт яшәү рәвеше принципларын кертүгә, тормыш сыйфатын яхшырту өчен шартлар тудыруга юнәлдерелгән.

Сәламәт яшәү рәвешен формалаштыру буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Анастасия Ильина «Гомуми эш» проектыннан «Куркыныч чуму» дигән интерактив чара уздырды.

28 гыйнварда «Бомбей» боулинг-үзәгендә XXII Яр Чаллы шәһәрендә эшләүче яшьләрнең спартакиадасы кысаларында боулинг буенча ел саен уздырыла торган турнир булды. Турнир 102 яшьлек Бөек Ватан сугышы ветераны Иван Николаевич Канидиевка багышланган иде.