«Кайгырту» социаль приютында сәламәтлек көне

2023 елның 11 августы, җомга

10 августта Алексеевск районының «Кайгырту» балалар һәм яшүсмерләр өчен социаль приютында тәрбиячеләр Елена Зверева һәм Альбина Хәмитова мәктәпкәчә һәм кече мәктәп яшендәге тәрбияләнүчеләр белән «Сәламәтлек көне. Саф һавада хәрәкәтчән уеннар» дигән чара үткәрделәр. Ул сәламәт яшәү рәвешен пропагандалауга һәм хәрәкәтчән уен-ярышларга кызыксынуны үстерүгә юнәлдерелгән.

Сәламәтлек көне «Хәрәкәт – ул тормыш. Хәрәкәт – ул сәламәтлек!» девизы астында узды. Саф һавада балалар хәрәкәтчән уеннарда актив катнаштылар, үзләренең җитезлеген һәм тизлеген күрсәттеләр.

Балалар күңелле итеп уйнап кына калмадылар, күтәренке кәеф тә алдылар.