ЯҢАЛЫКЛАР
Зәй шәһәре һәм Зәй муниципаль районы территориясендә «Торак – 2022» янгын-профилактика операциясен үткәрү кысаларында 4 февральдә социаль куркыныч хәлдә булган гаиләләр, күп балалы һәм аз тәэмин ителгән гаиләләр буенча ведомствоара рейд үткәрелде. Әлеге чаралар «Шатлык» халыкка комплекслы социаль хезмәт күрсәтү үзәге белгечләре һәм өлкән янгын сүндерүче Ленар Нәбиуллин тарафыннан үткәрелде.
Агымдагы елның гыйнвар аеннан Зәй районында «Шатлык» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе хезмәткәрләре 80 яшьлек һәм аннан өлкәнрәк яшьтәге ялгыз һәм ялгыз яшәүче гражданнарны өйләренә барып карый башладылар. Бу ел саен «Демография» милли проектының «Өлкән буын» федераль проектын тормышка ашыру кысаларында үткәрелә торган чара.
Татарстан Республикасы муниципаль районнарында социаль хезмәт алучылар йортларында янгын куркынычсызлыгын тәэмин итү буенча эш дәвам итә. Шулай итеп, 4 февраль көнне Менделеевск районында «Өмет Яры» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе белгече һәм 86 нчы янгын-коткару бүлеге хезмәткәре социаль хезмәт күрсәтелә торган гаиләләр йортларында янгын хәбәрчеләре урнаштырдылар.
Югары Ослан муниципаль районының «Өмет утравы» халыкка социаль хезмәт күрсәтү комплекслы үзәгендә ялгыз һәм ялгыз яшәүче гражданнарны өйләренә барып карау дәвам итә. Эшче төркем график нигезендә өйләрне йөреп чыга.
Янгын куркынычсызлыгын тәэмин итү буенча эш кысаларында 3 февральдә Алексеевск районының «Кайгырту» балалар һәм яшүсмерләр өчен социаль приютында «Янгын барлыкка килү сәбәпләре» дигән дәрес узды. Әлеге чарада мәктәп яшендәге балалар катнашты.
Буа муниципаль районында Татарстан Республикасы Хезмәт, халыкны эш белән тәэмин итү һәм социаль яклау министрлыгы боерыгы нигезендә ялгыз һәм ялгыз яшәүче 80 яшьлек һәм аннан өлкәнрәк гражданнарны өйләренә барып карау башланды. Бүгенге көндә районда шундый 1 248 граждан исәпләнә. Өйгә барып карауның максаты – яшь һәм (яки) сәламәтлеге торышы аркасында төп тормыш ихтыяҗларын мөстәкыйль рәвештә тәэмин итә алмый торган өлкән яшьтәге гражданнарны ачыклау.
30 гыйнварда Алексеевск районындагы «Кайгырту» балалар һәм яшүсмерләр өчен социаль приют тәрбиячесе Елена Зверева мәктәпкәчә һәм кече мәктәп яшендәге балалар белән «Шырпы уенчык түгел, ут күңел ачу түгел» дигән дәрес үткәрде.
«Әдәби кунакханә» түгәрәге дәресләре кысаларында Алексеевск районының «Кайгырту» балалар һәм яшүсмерләр өчен социаль приюты тәрбиячесе Наталья Королева мәктәпкәчә яшьтәге балалар белән янгын куркынычсызлыгы буенча дәрес үткәрде. Аның максаты балаларның янгын вакытында куркынычсызлык кагыйдәләре турында белемнәрен ныгыту, шулай ук янгын сүндерүчеләрнең хезмәтенә хөрмәт тәрбияләү иде.
Баулы муниципаль районында Татарстан Республикасы Хезмәт, халыкны эш белән тәэмин итү һәм социаль яклау министрлыгы боерыгы нигезендә ялгыз һәм ялгыз яшәүче 80 яшьлек һәм аннан өлкәнрәк гражданнарны өйләренә барып карау башланды. Бүгенге көндә районда шундый 747 граждан исәпләнә.
17 нче гыйнвар көнне Түбән Каманың «Веста» гаиләгә һәм балаларга социаль ярдәм үзәгендә янгын һәм гадәттән тыш хәлләрдә эвакуацияләү буенча өйрәнүләр узды.