ЯҢАЛЫКЛАР

«Бергә булдырабыз» проектын тормышка ашыру кысаларында 17 мартта Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүче кызларны маникюр остасы һөнәре белән таныштыру буенча мастер-класс узды.

15 мартта Зәй шәһәренең урман массивында ел саен үткәрелә торган ведомствоара «Хыялдагы чаңгылар» хәйрия акциясе узды. «Шатлык» халыкка социаль хезмәт күрсәтү комплекслы үзәге белгечләре, физик культура һәм спорт идарәсе, яшьләр эшләре идарәсе хезмәткәрләре яшь социаль хезмәт алучылар өчен урман массивына бару оештырдылар.

Казан милли тикшеренү технология университетының Бөгелмә филиалының 3-4 курс студентлары «Бөгелмә электр насос заводы» ААҖнең җитештерү цехларында булдылар. Ала предприятие эше белән таныштылар.

Шушы көннәрдә Питрәч районының «Шатлык» балалар һәм яшүсмерләр өчен социаль приютында тәрбияләнүчеләр пицца әзерләү буенча осталар ролендә булдылар. Һөнәри юнәлеш экскурсиясе «Һөнәр сайлауга юл» программасын гамәлгә ашыру кысаларында оештырылды.

Минзәлә районы халыкка социаль хезмәт күрсәтү комплекслы үзәге белгече Ольга Бывальцева кадетлар мәктәп-интернаты базасында «Һөнәр дөньясы» дигән һөнәри юнәлеш бирүче уен үткәрде. Чара «Һөнәр сайлау матрицасы» эш программасын тормышка ашыру кысаларында оештырылды

Шушы көннәрдә Бөгелмә районындагы «Ялкын» балалар һәм яшүсмерләр өчен социаль приютында тәрбияләнүчеләр өчен Бөгелмә районының тимер юл ЭЧ-10 электр белән тәэмин итү дистанциясенә һөнәри юнәлеш бирүче экскурсия оештырылды.

28 февральдә Республика сукырлар һәм начар күрүчеләрне социаль тернәкләндерү үзәгенең социаль педагоглары һәм психологы мөмкинлекләре чикле балалар өчен 172 нче мәктәпкә сыйныф сәгатенә чакырылды. Үзәк хезмәткәрләре, күрү буенча инвалидлар, үзләре, укулары һәм һөнәри эшчәнлеге турында сөйләделәр.

Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгенең социаль педагоглары алдында сәләтләрне ачыклау, талантларны ачу, баланың көчле һәм көчсез якларын билгеләү бурычы тора. Балаларга һөнәрләр турында мәгълүмат бирү максатыннан уеннар, күңел ачу чаралары, төрле һөнәр вәкилләре белән очрашулар уздырыла. Эшнең бер формасы – экскурсияләр.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә һөнәри юнәлеш бирү эше кысаларында «Хезмәт даны» газетасы редакциясенә, «Кукмара-24» телестудиясенә һәм «Кукмара авазы» радиостанциясенә экскурсия оештырылды.

Аксубайның «Хыял» балалар һәм яшүсмерләр өчен социаль приютында, һөнәрләр турында белемнәрне тирәнәйтү максатыннан, тәрбияләнүчеләр белән «Даруханә» дигән уен оештырылды.