ЯҢАЛЫКЛАР

22 августта Яр Чаллы шәһәрендә «Изгелек» инвалидларны тернәкләндерү үзәге базасында социаль хезмәтләр алучылар өчен рәсем сәнгате буенча мастер-класс үткәрелде.

Бүгенге көндә Татарстан Республикасында рәсми рәвештә эшсезләр сыйфатында 5 951 кеше теркәлгән. Эшсезлек дәрәҗәсе эшче көч санының 0,3 процентын тәшкил итә.

22 августта Лениногорск районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы волонтерлар белән берлектә «Флагның өч төсе» акциясен үткәрде. Шәһәр паркында балалар Лениногорск халкына ил флагын символлаучы тасмалар тараттылар. Акциядә 30дан артык социаль хезмәт алучы катнашты.

Лениногорск районы «Исток–Башлангыч» халыкка социаль хезмәт күрсәтү комплекслы үзәгенең өй бүлеге социаль хезмәткәрләре «Өлкән яшьтәге гражданнар һәм инвалидлар өчен фин йөреше» социаль технологиясен гамәлгә ашыру кысаларында физкультурачы көнен үткәрделәр.

22 августта Минзәлә өлкәннәр һәм инвалидлар өчен интернат-йортында социаль хезмәтләр алучылар тернәкләндерү буенча белгеч озатуында изге Маргарита истәлегенә 105 ел һәм Никольский соборының 210 еллыгына багышланган тантаналы чарада булдылар.

Түбән Кама районының «Балкыш» балалар һәм яшүсмерләр өчен социаль приютында тәрбияләнүчеләр махсус хәрби операциядә катнашучылар өчен гуманитар ярдәм җыюга кушылдылар. Аны «Мы вместе – Без бергә» пациент-волонтерлар җәмгыяте оештырды.

Түбән Кама районының «Балкыш» балалар һәм яшүсмерләр өчен социаль приютында тәрбияләнүчеләр «Робинзон» республика слетына әзерләнәләр. Команда көн саен «Россия армиясенә, авиациясенә һәм флотына ярдәм итү ирекле җәмгыяте» автомобиль мәктәбе базасында шөгыльләнә.

Шушы көннәрдә Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Мәктәпкә җыенырга ярдәм ит» акциясе кысаларында үзәк тәрбияләнүчеләре өчен «Мин беренче сыйныфка барам» бәйрәме оештырылды.

«Актив озын гомерлелек» программасы кысаларында Теләче районы «Чишмә» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге «Сүз – кыйммәтле бүләк» дигән чара оештырды. Чара Татарстан Республикасында Милли мәдәниятләр һәм гореф-гадәтләр елына багышланган.

Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә инваспорт буенча «Россия флагы астында!» дип аталган спорт ярышлары оештырылды.