«Балкыш» приютындагы балалар солдатларга хатлар яздылар

2023 елның 22 августы, сишәмбе

Түбән Кама районының «Балкыш» балалар һәм яшүсмерләр өчен социаль приютында тәрбияләнүчеләр махсус хәрби операциядә катнашучылар өчен гуманитар ярдәм җыюга кушылдылар. Аны «Мы вместе – Без бергә» пациент-волонтерлар җәмгыяте оештырды.

Балалар солдатлар өчен эчкерсез, җылылык, рәхмәт һәм горурлык белән тулы хатлар яздылар. Балалар аларга җиңү, тынычлык һәм тизрәк исән-сау өйләренә кайтуларын теләделәр. Һәр бала аларның хатлары һәм рәсемнәре кечкенә булса да, солдатларга ярдәм булачагына чын күңелдән шатланды.