«Чикләрсез яшьләр» акселераторының 3 сезонына теркәлү ачык
Сәламәтлек үзенчәлекләре булган яшьләрне эшмәкәрлеккә һәм социаль проектлауга өйрәтү буенча «Чикләрсез яшьләр» сәламәтлек мөмкинлекләре чикләнгән яшьләр проектлары акселераторы» проектында катнашырга чакыралар.
Проектны балалар һәм яшьләрнең гомумроссия иҗтимагый-дәүләт хәрәкәте «беренчеләр хәрәкәте»ярдәме белән инновацияләрне, эшмәкәрлекне һәм үзмәшгульлекне үстерү милли ассоциациясе гамәлгә ашыра. Проектта Мәскәү, Мәскәү өлкәсе, Санкт-Петербург шәһәре, Татарстан Республикасы, Воронеж өлкәсе, Белгород өлкәсе, Курск өлкәсе, Владимир өлкәсе, Тула өлкәсе, Тверь өлкәсе, Липецк өлкәсе, Брянск өлкәсе, Донецк Халык Республикасы катнаша.
Проект сәламәтлек мөмкинлекләре чикләнгән һәм инвалид яшьләр өчен бизнес алып баруның ил үзенчәлекләрен исәпкә алып, эшкуарлык һәм проект компетенцияләрен үстерүгә юнәлдерелгән онлайн-укыту ресурсы булып тора. Барлык укулар да дистанцион форматта узачак.
Проект кысаларында эшкуарлык компетенцияләрен формалаштыру максатыннан 15–17 яшьлек сәламәтлек мөмкинлекләре чикләнгән яшьләрне укыту гамәлгә ашырыла.
2023 елның 25 сентябренә кадәр проектның онлайн платформасында (https://accel-ovz.ru/) проектта катнашу өчен теркәлү гамәлгә ашырыла.
Катнашучыларны укыту 25 сентябрьдән 17 ноябрьгә кадәр дәвам итәчәк.