«Астра» тәрбияләнүчеләре ГТО нормаларын бирделәр

2023 елның 11 сентябре, дүшәмбе

Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр инвалидлар һәм мөмкинлекләре чикле кешеләр өчен «Хезмәткә һәм оборонага әзер» бөтенроссия физкультура-спорт комплексын сынау нормативларын үтәделәр.

Адаптив физик культура буенча инструктор Александра Пензина балаларның тест узу үзәгенә баруын оештырды, анда балалар судья Ирина Мифтахова контроле астында үз сәләтләрен һәм физик әзерлекләрен күрсәтә алдылар. Балалар спорт күнекмәләрен яхшырту һәм сәламәт яшәү рәвеше алып бару өчен мотивация алдылар.