ЯҢАЛЫКЛАР
«Кешеләр. Вакыйгалар. Хәтер…» проекты кысаларында чираттагы очрашу Алабуганың өлкәннәр һәм инвалидлар өчен интернат-йортында Җиңү көне алдыннан узды. Аны «көмеш» яшьтәге волонтер, шәһәр ветераннар советы әгъзасы Фрида Шакирова үткәрде. Аңа 9 нчы урта мәктәп укучылары ярдәм итте.
Яр Чаллы шәһәрендәге «Ышаныч» халыкка социаль хезмәт күрсәтү комплекслы үзәге хезмәткәрләре ел саен үткәрелә торган «Кызыл кәнәфер чәчәге» акциясендә катнаштылар. Аны «Җиңү волонтерлары» Бөтенроссия иҗтимагый хәрәкәте белән берлектә «Буыннар истәлеге» хәйрия фонды үткәрә.
Бөек Ватан сугышында Җиңүнең 78 еллыгын бәйрәм итү алдыннан Чистайның «Юлдаш» өлкәннәр һәм инвалидлар өчен интернат-йортында яшәүче ветераннарга Рөстәм Миңнеханов, район башлыгы, Чистай үзәк хастаханәсенең медицина хезмәткәрләре профсоюз оешмасы исеменнән открыткалар һәм азык-төлек җыелмалары тапшырылды.
2 майда Тәтеш районы муниципаль социаль-тернәкләндерү консилиумы утырышы булды. Көн тәртибенә «Социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасы аша балигъ булмаганнар арасында караусызлыкны һәм хокук бозуларны профилактикалау системасы субъектларыннан килгән гаиләләрдәге иминсезлек турында өч сигнал картасын карау кертелде. Шулай ук башлангыч һәм йомгаклау этапларында шәхси тернәкләндерү программасы кысаларында өч гаилә белән ведомствоара эш нәтиҗәләрен карадылар.
Югары Осланның өлкәннәр һәм инвалидлар өчен интернат-йортында тематик чаралар циклын уздыру планлаштырыла. Бүген социаль хезмәтләр алучыларның соравы буенча учреждение хезмәткәрләре иң яраткан нәфис фильмнарның берсен күрсәттеләр.
Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.
Яр Чаллының «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар «КАМАЗ» футбол клубында кунакта булдылар. Очрашу клубның башкарма директоры Андрей Федоров, пресс-атташе Фидаил Ганиев һәм маркетинг бүлеге җитәкчесе Артем Закировның ярдәмчеллеге аркасында мөмкин булды.
Җиңү көне алдыннан Минзәлә муниципаль районы Башкарма комитеты җитәкчесе урынбасары НЭля Бикеева һәм районның социаль яклау бүлеге башлыгы Татьяна Мясникова Минзәлә өлкәннәр һәм инвалидлар өчен интернат-йортында яшәүче тыл хезмәтчәннәрендә булдылар.
Спас өлкәннәр һәм инвалидлар өчен интернат-йортында Беренче май бәйрәм концерты узды. Социаль хезмәтләр алучылар һәм хезмәткәрләр алдында Татарстан Республикасының атказанган мәдәният хезмәткәре, бөтенроссия конкурслары лауреаты Фәнис Галиуллин чыгыш ясады. Сүз уңаеннан, ул интернат-йортка инде икенче тапкыр килә.
Карауга мохтаҗ гражданнарны ачыклау чаралары кысаларында, шулай ук янгыннарны кисәтү максатларында «Ышаныч» халыкка социаль хезмәт күрсәтү комплекслы үзәге хезмәткәрләре Россия гадәттән тыш хәлләр министрлыгының ТР буенча Баш идарәсенең Яр Чаллы шәһәрендәге территориаль бүлекчәләре вәкилләре белән берлектә 80 яшьтән өлкәнрәк ялгыз һәм ялгыз яшәүче гражданнарны карап чыгалар.