«Юлдаш» интернат-йортында яшәүче тыл хезмәтчәннәрен бәйрәм белән котладылар

2023 елның 3 мае, чәршәмбе

Бөек Ватан сугышында Җиңүнең 78 еллыгын бәйрәм итү алдыннан Чистайның «Юлдаш» өлкәннәр һәм инвалидлар өчен интернат-йортында яшәүче ветераннарга Рөстәм Миңнеханов, район башлыгы, Чистай үзәк хастаханәсенең медицина хезмәткәрләре профсоюз оешмасы исеменнән открыткалар һәм азык-төлек җыелмалары тапшырылды.

Интернат-йортта ике тыл хезмәтчәне яши. Район социаль яклау бүлеге башлыгы Гүзәл Каюмова аларны Бөек Җиңү бәйрәме белән котлады, открыткалар һәм ветераннарга бәйрәм җыелмаларын тапшырды. Үзәк район хастаханәсе коллективы исеменнән медицина хезмәткәрләренең профсоюз оешмасы рәисе Наилә Нигъмәтуллина шулай ук тыл хезмәтчәннәренә котлаулар җиткерде, азык-төлек җыелмаларын тапшырды.