Минзәлә районында тыл хезмәтчәннәрен хөрмәтләделәр

2023 елның 2 мае, сишәмбе

Җиңү көне алдыннан Минзәлә муниципаль районы Башкарма комитеты җитәкчесе урынбасары НЭля Бикеева һәм районның социаль яклау бүлеге башлыгы Татьяна Мясникова Минзәлә өлкәннәр һәм инвалидлар өчен интернат-йортында яшәүче тыл хезмәтчәннәрендә булдылар.

Тыл хезмәтчәннәренә Татарстан Республикасы Рәисе Рөстәм Миңнеханов исеменнән бүләк җыелмалары һәм котлау открыткалары тапшырылды. Район башлыгы Айдар Сәлахов исеменнән кунаклар Галия Дәүләтшинага, Нурҗидә Сираҗетдиновага һәм Евдокия Шапараевага тыныч күк йөзе өчен рәхмәт белдерделәр, аларга сәламәтлек, игелек һәм озын гомер теләделәр.