ЯҢАЛЫКЛАР
Түбән Каманың «Балкыш» балалар һәм яшүсмерләр өчен социаль приютында, һөнәрләрнең күптөрлелеге турында күзаллаулар формалаштыру максатыннан, тәрбияче Галия Зайцева «Профнавигатор» уен программасын үткәрде.
18 июльдә Лениногорск районы «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы «Яшүсмерләрнең үз-үзләренә кул салу куркынычы булган үз-үзләрен тотышы» дигән темага түгәрәк өстәл үткәрде. Чараның максаты – ата-аналарны балаларның кризис һәм суицид алды шартларын тану ысулларына өйрәтү.
Татарстан Республикасында Милли мәдәниятләр һәм гореф-гадәтләр елы кысаларында Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгенең стационар төркеме тәрбияләнүчеләре белән татар милли костюмы турында танышу әңгәмәсе үткәрделәр. Чара балаларны татар милли мәдәниятенә җәлеп итүгә юнәлдерелгән.
Сәламәтлекне саклау, балаларны һәм яшүсмерләрне спортка һәм сәламәт яшәү рәвешенә җәлеп итү максатыннан Алексеевск районының «Кайгырту» социаль приютында тәрбияче Наилә Дәүләтшина наркоманияне, тәмәке тартуны һәм алкоголизмны профилактикалау буенча «Мин тормышны сайлыйм» программасы буенча спорт марафоны уздырды.
19 июльдә Яр Чаллы шәһәренең «Изгелек» инвалидларны тернәкләндерү үзәгенең спорт мәйданчыгында көндезге тору бүлегендә социаль хезмәтләр алучылар өчен ачык һавада чара үткәрделәр.
Минзәләнең өлкәннәр һәм инвалидлар өчен интернат-йортында социаль тернәкләндерү буенча белгеч Ольга Бочкарева социаль хезмәтләр алучылар белән мәгълүмати әңгәмә үткәрде. Мошенниклык, хокук бозулар һәм саклану чаралары турында сөйләштеләр.
18 июльдә «Тәтеш балкышы» халыкка социаль хезмәт күрсәтү комплекслы үзәгенең көндезге тору төркеменә йөрүче яшьләр «Яңа гасыр» мәдәни-күңел ачу үзәгендә булдылар. Егетләр һәм кызлар өчен «Роботлар иленнән качу» мультипликацион фильмын карау оештырылды.
Грант конкурсына гаризалар кабул итү 2023 елның 23 июленә кадәр дәвам итәчәк. Конкурс турындагы нигезләмәләр һәм катнашу шартлары белән сайтта танышырга мөмкин: https://грантытатарстана.рф/contests/6.
2023 елның 9 июненнән 23 июленә кадәр «Социаль юнәлешле коммерциячел булмаган оешмаларга ярдәм итү буенча республика ресурс үзәге» автоном коммерциячел булмаган оешмасы тарафыннан гражданлык җәмгыятен үстерүгә Татарстан Республикасы грантларын бирү конкурсында катнашуга гаризалар кабул ителә.
24 августта Яр Чаллы шәһәрендә Татарстан Республикасы балалар һәм яшүсмерләр өчен социаль приютларда тәрбияләнүчеләр өчен «Робинзон» слеты узачак. Чара социаль приютта тәрбияләнүчеләр арасында караучысызлыкны, хокук бозуларны һәм балигъ булмаганнарның җәмгыятькә каршы гамәлләрен профилактикалауга юнәлдерелгән.