ЯҢАЛЫКЛАР

5 сентябрьдә, Мәскәүдә узган V Төбәкләрнең социаль инновацияләре форумында, Татарстан Республикасы Хезмәт, халыкны эш белән тәэмин итү һәм социаль яклау министрлыгы һәм Башкортстан Республикасы Гаилә, хезмәт һәм халыкны социаль яклау министрлыгы гражданнарны эш белән тәэмин итү, социаль хезмәт күрсәтү һәм социаль яклау системасын камилләштерү максатларында хезмәттәшлекне үстерү турында килешү төзеделәр.

5 сентябрьдә Әлмәт муниципаль районының социаль яклау идарәсендә балигъ булмаган балаларны тәрбияләүче гаиләләргә алимент түләтү мәсьәләләре буенча хокукый ярдәм күрсәтү көне узды.

Халыкара хәйриячелек көнендә Спас өлкәннәр һәм инвалидлар өчен интернат-йортының эчке волонтерлары аз хәрәкәтләнүче социаль хезмәтләр алучылар белән Болгарның үзәк урамнары буйлап йөрделәр.

Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә «Белем күп булмый, мәктәп безне кабат каршы ала» дигән дәрес узды. Чараның максаты – белемгә һәм мәктәпкә мәхәббәт һәм кызыксыну тәрбияләү, балаларда бәйрәм кәефе булдыру.

4 сентябрьдән Зәй районы «Шатлык» халыкка социаль хезмәт күрсәтү комплекслы үзәгенең өйдә социаль хезмәт алучылары өчен Куркынычсызлык мәктәбе дәресләре уза. «Экстремизмга – юк!» декадасы кысаларында чараларны социаль эш буенча белгечләр үткәрә.

Кичә Әлмәт муниципаль районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә балигъ булмаган социаль хезмәт алучылар белән Халыкара хәйриячелек көненә багышланган танып белү әңгәмәсе үткәрделәр. Бу дата ел саен 5 сентябрьдә билгеләп үтелә.

Россия Федерациясендә хезмәт базарын үстерү мәсьәләсе буенча Россия Федерациясе Дәүләт Советы Президиумы утырышына, Россия Федерациясе Хөкүмәте Рәисенең миграция һәм мәгарифне үстерү мәсьәләләре буенча стратегик сессияләренә, шулай ук 2026 һәм 2029 елларга перспективада эш бирүчеләрнең Россия Федерациясе субъектлары, шөгыльләр төркемнәре һәм икътисади эшчәнлек төрләре буенча һөнәри кадрларга ихтыяҗын билгеләү максатларында Россия Федерациясе Хезмәт һәм социаль яклау министрлыгы эш бирүчеләр арасында сораштыру үткәрә.

Кукмара районының «Шәфкать» мөмкинлекләре чикле балалар һәм яшүсмерләр өчен тернәкләндерү үзәге психологы Дания Йосыпова белгечләр өчен «Нәрсә ул баш мие штурмы? Баш мие штурмы үткәрү кагыйдәләре» тренингы уздырды. Чара коллективны берләштерүгә, команда әгъзалары арасындагы үзара бәйләнешне яхшыртуга юнәлдерелгән.

Бүген Мәскәүдә V Төбәкләрнең социаль инновацияләре форумы старт алды. Чара 5–8 сентябрьдә узачак. Форумда катнашучылар, аерым алганда, гражданнарга социаль ярдәм күрсәтү өлкәсендә булган үзгәрешләр турында фикер алышачак. Шулай ук социаль өлкәнең инновацион үсеше технологияләре һәм Россия субъектларының иң яхшы практикалары тәкъдим ителәчәк.

Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәге директоры Галина Калашникова һәм табиб-невролог Гөлмира Мәүлишева «Аутизм спектры тайпылышлары булган балаларны тернәкләндерүдә заманча алымнар» дигән төбәкара семинарда катнаштылар. Чара Пермь краенда, Чайковский шәһәрендәге тернәкләндерү үзәге базасында узды.