ЯҢАЛЫКЛАР
Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.
ТР Хезмәт, халыкны эш белән тәэмин итү һәм социаль яклау министрлыгы 2025–2028 елларга Татарстан Республикасы халкына психологик ярдәм системасын үстерү концепциясен гамәлгә ашыруда турыдан-туры катнаша, чөнки социаль-психологик хезмәтләр социаль хезмәт күрсәтү системасының төп компонентларының берсе булып тора. Социаль-психологик ярдәмнең эчтәлеге социаль хезмәтләр алучылар категориясе һәм аларның мохтаҗлык шартлары белән билгеләнә.
Кичә Лаеш районы буенча «Россия эше» кадрлар үзәгендә «Үзебезнекеләр өчен маяк» клубының чираттагы утырышы узды. Чара хәрбиләрне адаптацияләү һәм аларга ярдәм итүнең актуаль мәсьәләләрен хәл итү өчен, махсус хәрби операциядә катнашучыларны һәм хакимият вәкилләрен берләштерде.
Бүген Бәшир Рамеев исемендәге IT-паркта «MAX үзләштер» белем бирү программасында катнашучыларны бүләкләү тантанасы булды. ТР хезмәт, халыкны эш белән тәэмин итү һәм социаль яклау министры урынбасары Аделҗ Мөбәрәкшин һәм «Россия Пенсионерлар берлеге»нең ТР буенча төбәк бүлеге рәисе Любовь Мишина милли мессенджер белән эшне уңышлы үзләштергән пенсионерларга сувенирлар тапшырдылар.
18 март көнне Лениногорск районының «Исток-Башлангыч» халыкка социаль хезмәт күрсәтү комплекслы үзәгендә балигъ булмаган социаль хезмәт алучылар белән «Гамәл, хата, хокук бозу» төркемле дәресе үткәрелде.
17 март көнне Менделеевск районының «Кама таңнары» балалар һәм яшүсмерләр социаль приютында мәктәпкәчә яшьтәге балалар өчен Герасим Грачевник халык бәйрәменә багышланган танып-белү дәресе үткәрелде. Бу көн элек-электән язны һәм беренче күчмә кошларны – кара каргаларны каршы алу вакыты буларак билгеләп үтелә.
17 мартта Зәй районы «Шатлык» халыкка социаль хезмәт күрсәтү комплекслы үзәгенең көндезге тору бүлегендә хезмәт алучылар истәлекле чарада катнаштылар. «Пятерочка» сәүдә челтәренең бер кибетендә «Зәй шәһәре тарихы» күргәзмәсе ачылды.
Ураза һәм Нәүрүз бәйрәмнәре алдыннан «Тәтеш балкышы» халыкка социаль хезмәт күрсәтү комплекслы үзәге белгечләре волонтер Майя Кисина белән берлектә көндезге тору төркеменә йөрүче яшьләр өчен иҗади мастер-класс оештырдылар.
16 мартта Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгеннән балалар «Игелек планетасы» яшьләр һәм инвалид балалар төбәк иҗтимагый оешмасында кунакта булдылар. Визит патриотик тәрбия һәм волонтерлар эше белән танышу программасы кысаларында узды.
Менделеевск районының «Кама таңнары» балалар һәм яшүсмерләр өчен социаль приютында «Курчак фургоны» музей-студиясе» проектын гамәлгә ашыру дәвам итә, ул Татарстан Республикасы территориясендә «Лукойл» ГАҖ социаль һәм мәдәни проектлар конкурсында җиңүче булды.