ТР Хезмәт министрлыгы – халыкка психологик ярдәм күрсәтү системасын үстерүдә актив катнашучы
ТР Хезмәт, халыкны эш белән тәэмин итү һәм социаль яклау министрлыгы 2025–2028 елларга Татарстан Республикасы халкына психологик ярдәм системасын үстерү концепциясен гамәлгә ашыруда турыдан-туры катнаша, чөнки социаль-психологик хезмәтләр социаль хезмәт күрсәтү системасының төп компонентларының берсе булып тора. Социаль-психологик ярдәмнең эчтәлеге социаль хезмәтләр алучылар категориясе һәм аларның мохтаҗлык шартлары белән билгеләнә.
Тармак психологлары МХОда катнашкан сугышчан хәрәкәтләр ветераннарының һәм аларның гаилә әгъзаларының; төрле сәбәпләр аркасында социаль эшчәнлеге бозылган гаиләләрнең; социаль адаптациядә кыенлыклар кичерүче балигъ булмаганнарның; билгеле бер яшәү урыны, эш һәм яшәү чаралары булмаган асоциаль шәхесләрнең; авыру, имгәнү, яшь яки инвалидлык булу сәбәпле үз-үзләренә хезмәт күрсәтү сәләтен тулысынча яки өлешчә югалткан затларның һ. б. психологик проблемалары өстендә эшлиләр.
Ведомство психология хезмәте психологлары үз үсешләрен өзлексез дәвам итәләр, социаль-психологик проблемаларның киң спектры буенча эш тәҗрибәсе туплыйлар, Татарстан Республикасы халкына психологик ярдәм күрсәтүне камилләштерү һәм аның сыйфатын тәэмин итү өчен министрлык һәм ведомство коллегалары белән үзара хезмәттәшлекне җайга салалар.