«Кама таңнары» приютында тәрбияләнүчеләр халык бәйрәме белән таныштылар
17 март көнне Менделеевск районының «Кама таңнары» балалар һәм яшүсмерләр социаль приютында мәктәпкәчә яшьтәге балалар өчен Герасим Грачевник халык бәйрәменә багышланган танып-белү дәресе үткәрелде. Бу көн элек-электән язны һәм беренче күчмә кошларны – кара каргаларны каршы алу вакыты буларак билгеләп үтелә.
Чараның максаты балаларны рус халкының традицияләре һәм календарь бәйрәмнәре белән таныштыру, табигатьтәге язгы үзгәрешләр турындагы күзаллауларны киңәйтү, кошларга карата сакчыл мөнәсәбәт һәм ил тарихы белән кызыксыну тәрбияләү иде.
Тәрбияче кызыклы формада балаларга бәйрәмнең тарихы һәм традицияләре, каргаларның үз-үзләрен тотышына бәйле халык билгеләре турында сөйләде. Дәрес төрле эш формаларын үз эченә алды: яз һәм кошлар турында шигырьләр уку, табышмакларга җаваплар табу, төсле иллюстрацияләр карау, хәрәкәтчән уеннар.
Дәреснең иҗат өлешендә балалар рәсем, аппликацияләр ясадылар. Нәтиҗәдә балалар эшләре күргәзмәсе оештырылды.