ЯҢАЛЫКЛАР

Татарстанда “Русиянең югары социаль нәтиҗәгә ия оешмасы” русиякүләм конкурсының 2013 елда  төбәк этабы җиңүчеләре билгеле булды.

Бүген Түбән Каманың эш белән тәэмин итү үзәгендә өлкәннәр өчен махсус вакантлы эш урыннары ярминкәсе уздырылган. Үзәк белгечләре тарафыннан стендларда   предприятиеләр өчен актуаль булган вакансияләр хакында мәгълүмат урнаштырылган.

Халыкара өлкәннәр көне кысаларында Яшел Үзәннең “Чишмә-Родник” гаиләгә һәм балаларга социаль ярдәм  үзәгендә волонтерлар белән берлектә ялгыз яшәүче өлкәннәр белән очрашу булып узган.

Әлеге чараның максаты яшүсмерләрдә наркотиклар, хәмер һәм тәмәкегә  бәйлелекне кисәтүдән һәм булдырмаудан гыйбарәт.

Кукмарада урнашкан "Кояшкай -Солнышко" балалар һәм яшүсмерләр өчен социаль приютта Кукмара үзәк сырхауханәсенең кисәтү кабинеты башлыгы Е.Исаева яшүсмерләр өчен наркобәйлелеккә багышланган фильмнар күрсәтте. Ә приютның социаль педагогы исә "Хисләр" дип аталган күнегү уздырды.

Бүген Менделеевск эш белән тәэмин итү үзәгендә  "Тандер" ЯАҖ өчен эш бирүче көне узган. Әлеге чарада эш белән тәэмин итү үзәгендә исәптә торучы гражданнар, шулай ук теләге булган һәркем катнашкан.

"Веста” үзәгенең  юрисконсульты Л.Давлетшина Түбән Кама шәһәренең  микрорайоннарында «Сәламәт яшьләр - сәламәт киләчәк» дигән темага яшүсмерләр өчен дәресләр үткәргән.  Дәреснең максаты үсмерләрне  сәламәт тормыш юлына юнәлдерүдән гыйбарәт.

Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Бүгенге саннарга караганда, 28 нче сентябрьдән 4 нче октябрьгә чаклы 1 үлем белән тәмамланган, 2 авыр һәм 1 төркемле бәхетсезлек очрагы теркәлгән.

Халыкара өлкәннәр көне кысаларында Бөгелмәнең эш белән тәэмин итү үзәгендә шәһәрнең социаль хезмәткәрләре һәм пенсия яше алдында торган эшсез   гражданнар белән очрашу үткәрелгән.