Халыкара өлкәннәр көне кысаларында Яшел Үзәннең “Чишмә-Родник” гаиләгә һәм балаларга социаль ярдәм үзәгендә волонтерлар белән берлектә ялгыз яшәүче өлкәннәр белән очрашу булып узган.
Алар өчен күңел ачу программасы оештырылган, Малахов системасы буенча махсус күнегүләр эшләнгән. Ә “Осталар шәһәре” клубында шөгыльләнүче балалар өлкәннәргә үз куллары белән эшләнгән энә савытлары бүләк иткәннәр.
Чара ахырында өлкәннәргә кечкенә генә азык-төлек җыелмалары да биргәннәр.