ЯҢАЛЫКЛАР

23 нче октябрьдән 29 нчы октябрьгә кадәр булган хисап атнасында республикадагы эшсезлек элеккечә бик түбән дәрәҗәдә – 0,87% ны тәшкил итүче күрсәткечтә саклана бирә.

4 ноябрь көнне "Мега" сәүдә һәм күңел ачу үзәгендә "Иҗат дөньясы" дип исемләнгән республика акциясе узачак.  Әлеге чарада Татарстанның балалар өчен махсуслашкан учреждениеләрендә тәрбияләнүче 200 бала һәм Казанның аз тәэмин ителгән һәм күп балалалы гаиләләрендә тәрбияләнүчеләр катнашачак.

Кичә Казанның халыкны социаль тәэмин  итү үзәгендә гаиләгә һәм балаларга социаль ярдәм бүлеге белгечләре һәм "0525" сәнгать челтәре планетарие волонтерлары белән берлектә "Җанга сихәтле музыка" дип аталган чара уздырылган. Бу көнне яшь казанлыларны аборигеннарның музыка коралларында уйнарга өйрәткәннәр.

Мәгълүмати технологияләрне ирекле сертификатлаштыру системасының жюри әгъзалары Менделеевскта урнашкан "Өмет яры" халыкны социаль тәэмин итү үзәгенең гаиләгә һәм балаларга социаль ярдәм бүлеге карамагында торучы Алия Садыйкованың иҗади эшен "Үсемлекләр дөньясы" Бөтенрусия балалар рәсеме конкурсында икенче урынга лаек дип тапканнар. 

Бүген Минзәлә халыкны социаль тәэмин итү комплекслы үзәгенең  гаиләгә һәм балаларга социаль ярдәм бүлеге белгечләре  сәяси репрессия корбаннарын искә алуга багышланган чара үткәргәннәр. 

Яшүсмерләр тарафыннан хокук бозу очракларын кисәтү максатыннан Чистайның "Салават күпере" гаиләгә һәм балаларга социаль ярдәм үзәгенең юридик бүлек  белгечләре  еш кына Чистайның белем бирү учреждениеләренә чыгалар. Алар балаларны төрле хокук бозулар өчен каралган җаваплылык төрләре белән таныштыралар.

"Гармония" үзәгенең гаиләгә һәм балаларга социаль ярдәм бүлеге белгечләре "Яшүсмер" клубына йөрүче балалар өчен "Мин аралашырга телим" дип исемләнгән тренинг уздырганнар.