Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Менделеевскта яшәүче Алинә Садыйкова Бөтенрусия балалар рәсеме конкурсында 2 нче урынны яулаган

2013 елның 30 октябре, чәршәмбе

Мәгълүмати технологияләрне ирекле сертификатлаштыру системасының жюри әгъзалары Менделеевскта урнашкан "Өмет яры" халыкны социаль тәэмин итү үзәгенең гаиләгә һәм балаларга социаль ярдәм бүлеге карамагында торучы Алия Садыйкованың иҗади эшен "Үсемлекләр дөньясы" Бөтенрусия балалар рәсеме конкурсында икенче урынга лаек дип тапканнар.
Әлеге бәйгедә катнашкан беркем дә игътибарсыз калмаган. Автор Диплом, педагог - алтын сертификат, ә иҗади проект җитәкчесе исә "Өмет яры" үзәгенең мактау грамотасы белән бүләкләнгән.
Үзәк белгечләре билгеләвенчә, Алия "Үсемлекләр дөньясы" Бөтенрусия балалар рәсеме конкурсына "Тормыш матур" дип исемләнгән иҗади хезмәт тәкъдим иткән булган. Аны ясау өчен кыз укытучысы белән бергә балчык, кабак орлыклары, Кама елгасы буеннан кабырчыклар кулланган.
Иҗади эшнең барышын исә җирле остабикә - Людмила Афанасьева тикшереп торган.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ