ЯҢАЛЫКЛАР

2014 нче елның гыйнварында ял көннәре хакында күп санлы мөрәҗәгатьләргә җавап итеп, Татарстан Республикасы Хезмәт, халыкны эш белән тәэмин итү  һәм социаль яклау  министрлыгы хәбәр итә.

Менделеевск районы "Өмет яры"  үзәге белгечләре тарафыннан инвалид балалар өчен  Яңа ел тамашасы уздырылган.

Башкаланың 7 районында гаиләгә һәм балаларга социаль ярдәм бүлеге белгечләре волонтерлар белән берлектә "Мэри Поппинс", "Яңа елда сихерче маҗаралары", "Яңа ел әкияте"  дип исемләнгән Яңа ел тамашалары уздырганнар.

Бүген Буа драматик театрында мөмкинлекләре чикле булган 197 бала өчен Яңа ел тамашасы булып узган.  Район башлыгы исеменнән балаларны Буа район хакимияте башлыгының  социаль мәсьәләләр буенча урынбасары Л.Садретдинова, Буа районы Пенсия фонды башлыгы Р.Җәләлов котлаган.

Бүген Түбән Каманың "Веста" гаиләгә һәм балаларга социаль ярдәм  үзәге белгечләре тарафыннан үзәк карамагындагы балалар өчен  Яңа ел бәйрәме үткәрелгән.

Бүген Казанда социаль-хезмәт мөнәсәбәтләрен көйләү буенча республика өчьяклы комиссиясе утырышы узды. Әлеге чара кысаларында шулай ук "Русиянең югары социаль нәтиҗәгә ия оешмасы" Русиякүләм конкурсы җиңүчеләрен бүләкләү тантанасы да үткәрелде.

Тиешле карарны өч яклы комиссия координаторлары кабул итәчәк.

18 нче декабрьдән 24 нче декабрьгә кадәр булган хисап атналыгында эшеннән азат ителгәннәр арасында иң күп эшсез дип танылганнар эшкәртүче җитештерү тармагында. Биредә 141 кеше эштән азат ителгән.