1-8 гыйнвар көннәре эшләми торган бәйрәм көннәре булачак

2014 нче елның гыйнварында ял көннәре хакында күп санлы мөрәҗәгатьләргә җавап итеп, Татарстан Республикасы Хезмәт, халыкны эш белән тәэмин итү  һәм социаль яклау  министрлыгы хәбәр итә.
РФ Хезмәт кодексының 112 нче маддәсе нигезендә 1,2,3,4,5,6, һәм 8 нче гыйнвар көннәре - Яңа ел каникуллары, ә 7 гыйнвар - Раштуа бәйрәме булачак.
Искәртәбез - 2014 нче елда 4 һәм 5 нче гыйнвар көннәре шимбә һәм якшәмбегә туры килә.  РФ Хезмәт Кодексының югарыда телгә алынган маддәсе нигезендә ял көне  эшләми торган бәйрәм көннәренә туры килгән очракта, ял көне бәйрәмнән соңгы көнгә күчерелә (гыйнварның эшләми торган бәйрәм көннәренә туры килгән ял көннәреннән башка).  Шул ук вакытта РФ Хөкүмәте ял көннәрен, шул исәптән гыйнвардагы эшләми торган бәйрәм көннәренә туры килгән 2 ял көнен дә агымдагы елдан соң киләсе елга күчерергә хокуклы.
Шулай итеп,  РФ 2013 нче елның 28 нче маеннан 444нче номерлы "2014 нче елда ял көннәрен күчерү турында"  карары нигезендә гыйнвардагы эшләми торган бәйрәм көннәренә туры килүче 2 ял көне 4 гыйнвардан  2 май җомгасына, ә 5 нче гыйнвар ялы 13 июнь - җомга көнгә күчерелә.
Димәк, 2014 нче елда  1-8 гыйнвар көннәре эшләми торган бәйрәм көннәре, ә 9 һәм 10 гыйнвар - эш көне булачак.
РФ Хезмәт Кодексының 95 нче маддәсе нигезендә 31 декабрьдә эш көне 1 сәгатькә ким була.
Әмма ихтыяҗ туган очракта эш бирүчеләр эшләми торган бәйрәм көннәрендә дә эш оештырырга хокуклы. Бу очракта аларның гамәлләре  РФ Хезмәт Кодексының 113  һәм 153нче маддәләренә каршы килмәскә тиеш.