Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

ТРда яңа елдан иң түбән хезмәт хакы артырга мөмкин

2013 елның 25 декабре, чәршәмбе

Бүген Казанда, ТР Мәдәният министрлыгында, социаль-хезмәт мөнәсәбәтләрен җайга салу буенча өч яклы Республика комиссиясе утырышы булды.
Чарада ТР икътисад министры Мидхәт Шаһиәхмәтов, ТР хезмәт, мәшгульлек һәм социаль яклау министры Айрат Шәфигуллин, ТР Профсоюзлары федерациясе рәисе Татьяна Водопьянова, ТР Предприятиеләре һәм эшмәкәрләре ассоциациясе президенты Александр Лаврентьев, ТР хезмәт, мәшгульлек һәм социаль яклау министрының беренче урынбасары Айрат Хәсәнов катнашты.
Утырыш барышында ТРда иң түбән хезмәт хакы турындагы республика килешүе проекты, төп социаль-икътисади индикаторларны ачыклау, 2013-2014 нче елларда республика халкының яшәү дәрәҗәсе, 2014 нче елга социаль-икътисади мөнәсәбәтләрне җайга салу буенча эшчәнлек проекты белән бәйле мәсьәләләр каралды.
“Өч яклы комиссия утырышы иң түбән хезмәт хакы турында килешүне карап бетерергә кирәклеге турында карар кабул итте, - дип сөйләде Айрат Хәсәнов “Татар-информ” МА хәбәрчесе белән әңгәмәдә. – Россиядә 1 нче гыйнвардан аның күләме 5 мең 554 сум булачак”.
РФ Хезмәт кодексы нигезендә, РФ һәр субъекты иң түбән хезмәт хакының югарырак дәрәҗәсен билгеләргә хокуклы. Моны исәпкә алып, ТРда, Россия белән чагыштырганда, иң түбән хезмәт хакының дәрәҗәсе югарырак була ала, дип билгеләде түрә. Ләкин ул ассызыклаганча, аның күләме әлегә билгеләнмәгән.
“Карар, республикадагы социаль-икътисади вазгыятьне исәпкә алып, өч яклы комиссия координаторлары тарафыннан кабул ителәчәк”, - дип ачыклык кертте министр урынбасары.
Шулай ук бүген өч яклы комиссиянең 2014 нче елга эшләү планы буенча мәсьәлә сөйләшенгән.

"Татар информ" мәгълүмат агентлыгы материаллары буенча

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ