ЯҢАЛЫКЛАР

Бүген Балтачның "Наз" халыкны социаль тәэмин итү үзәгендә "Яшүсмерләрнең хокук бозулары: әйдәгез, аңлашыйк" дип исемләнгән түгәрәк өстәл узган.  Чарада Зөлфирә Камалова җитәкчелегендә "Ветераннар советы"  иҗтимагый оешмасының 9 активисткасы,  Балтач районында Кеше хокуклары буенча вәкаләтле вәкилнең иҗтимагый ярдәмчесе Гөлнара Әхмәдиева,  социаль яклау бүлеге башлыгы Алсу Гатиятуллина һәм "Наз" үзәге белгечләре катнашканнар.

Татарстан Республикасы Хезмәт, халыкны эш белән тәэмин итү һәм социаль яклау министрлыгы  предприятие һәм оешма хезмәткәрләренең күп санлы мөрәҗәгатенә җавап итеп хәбәр итә.

Әлмәт халыкны эш белән тәэмин итү үзәге белгечләре яшь эшмәкәрләр, шулай ук үз эшен башларга теләге булган гражданнар белән очрашу үткәргәннәр. 

Түбән Камада "Хыял сулышы" инициатив-хәйрия  төркеме  тырышлыгы белән  Роберт Туйкин җитәкчелегендә  үз-үзеңне билгеләү буенча тренинг узган.

Түбән Кама "Балкыш"  балигъ булмаганнар өчен социаль-тернәкләндерү үзәге каршындагы иҗади төркем  "Сәйдәш нурлары" дигән патриотик тәрбия буенча  программаны тормышка ашыра башлаган.  Карамактагы балаларга туган илгә мәхәббәтне Салих Сәйдәшев музыкасы аша иңдерергә уйлыйлар. 

17 нче марттан 25 нче мартка чаклы Татарстан Республикасы Хезмәт, халыкны эш белән тәэмин итү һәм социаль яклау министрлыгының  вәкаләтле вәкилләре тарафыннан Буа  шәһәре эш белән тәэмин итү үзәгенең  халыкны эш белән тәэмин итү буенча дәүләт гарантияләрен үтәү, инвалидларны эшсез сыйфатында теркәү буенча эшчәнлеген тикшерәчәкләр.

25 нче февральдән 5 мартка чаклы Татарстан Республикасы Хезмәт, халыкны эш белән тәэмин итү һәм социаль яклау министрлыгы тарафыннан Әтнә районы халыкны эш белән тәэмин итү үзәге дәүләт казна учреждениесе эшчәнлеге тикшерелгән. Тикшерү чараларының бер өлеше учреждениегә барып үткәрелгән.